دكتور وبقول لله وحكومتي ماهيش سامعاني وبعالج خلق الله وأنا نفسي المر بعاني لا نقابة في يوم لحقتني ولا كادر ياناس كان جاني شغال في الدم يوماتي والعدوى تقول يا حياتي بالحضن تعالى يا غالي فيروسي وبكتيرياتي وبدال العدوى بتاخده ييجي 90 قرش يوماتي منا لو كنت بصوت عالي كان حد في يوم عبرني إنما علشان دكتور.. إمضا بسيطة تكدرني وماحدش فيكي يا بلدي يشكرني ولا يقدرني خناقات في رعايتي بتحصل ولا عمر النجدة بتوصل وإن وصلت بعد العاركة بتاخدني أبات في أبوزعبل متكلبش وسط عصابة دراكولا قصادهم عيل وياريتني يا طب ما شوفتك ودخلت أنا جيش أو شرطة وكفاية 70 %.. وأهي تبقي معايا السلطة ضيعت يا طب حياتي والعلم في مصر دي غلطة