أتوبيس إيه اللي انت جاي تقول عليه

تم تزويد هيئة النقل العام التابعة لمحافظة القاهرة ب 24 أتوبيسًا للعمل في الفترة الحالية، في غطار تجديد أوتوبيسات "الميني باص" التي مر عليها 6 سنوات، وتحتوي الأتوبيسات على إنترنت مجاني وشاشات بلازما وتكنولوجيا رقمية جديدة، للترفيه عن المواطنين، والجدير بالذكر أن التذكرة ستكون بجنيهان ونصف، أتوبيس إيه اللي انت جاي تقول عليه، اعتقد بدل ما الحكومة تصرف أكتر من 25 مليون جنيه في أتوبيسات مزودة بالواي فاي، إنها تصلح الكراسي اللي في الأتوبيسات القديمة "أتوبيسات في عقدها الأول".. المواطنين مش محتاجين واي فاي، الناس اللى بتركب اتوبيس بجنيه أو اتنين علشان تروح شغلها مش محتاجة واي فاي.. هو محتاج يوصل شغله في أسرع وقت.. محتاج ميتخصمش منه فلوس بسبب التأخير.. محتاج يقعد مرتاح. الأتوبيس يسع ما يقارب 30 فرد، بيشيل أكثر من 50 فرد. الواي فاي مش هيحل الأزمة يا حكومة عايزة حكومة، أزمة المرور هتزيد في أول فترة من تشغيل هذه الأتوبيسات، وذلك لتزاحم فئات من الشباب علشان ترى ما لم تشاهده من قبل!. أتوبيس فيه واي فاي وتبع الحكومة.. يا إلهي، وبه ايضاً شاشات بلازما.. إيه؟ شاشات بلازمة ليه؟ هل الشاشات البلازما لكي يتم إلهاء الركاب بزحمة الطريق؟ وما الذي سيعرض على هذه الشاشات؟ هل هي إعلانات مدفوعة أم رسائل تريد الحكومة أن تصل للجميع؟ الحكومة لا تستوعب الموقف حتى الآن. أعتقد ايضاً أن مصر لا يوجد بها طريق واحد سليم، حتى طريق المطار ليس على أكمل وجه. إذا السؤال الأن لماذا يتم استيراد أتوبيسات جديدة وبها واي فاي، وبها شاشات بلازما، والطرق ليست سليمة؟ الأولي من كل ما تم ذكره تعليم السائق والكمسري التعامل بآدمية مع الركاب، واحترام الراكب، والحفاظ على نظافة الأتوبيس، ورصف الطرق وحل أزمة المرور التي تزداد تعقيدًا يومًا بعد يوم.
الاجابة هنا الموظفين والمسؤولين الشرفاء "نسبة إلى المواطنين الشرفاء".. يجب ان يهتموا بمصلحة المواطن البسيط، وبكل تفاصيل حياته، حتى ينعم بحياة هانئة.