ثار إطلاق محافظة القاهرة لمشروع «الميني الباص» المزود بخدمة الإنترنت اللاسلكي «Wi Fi»، ردود فعل واسعة بين نشطاء ومستخدمي «تويتر»، حيث طالبوا الحكومة بتوفير احتياجات المعيشة الأساسية للمواطنين وتحسين خدمات النقل من وسائل ملائمة للتنقلات والركوب، بدلًا من خدمات اعتبروها لا تشغل بال الركاب. وقال حساب «AmrRodriguez@» على «تويتر»: «الحكومة عملت أتوبيس نقل عام فيه واي فاي وجي بي إس وينفع تدفع التذكرة بالفيزا, طب هو لو حد معاه فيزا هيركبه ليه أصلًا.»، وأضاف «black_dealer@»: «الشعب عايز ياكل ويشرب الأول مش عايز نت».
وأشار حساب «EgyptianWisdom@» إلى أن «نصف الناس اللي بتركب الأتوبيسات أصلًا شايلة موبايلات صيني ولا واي فاي فيها».
واعتبر «رماح طارق» أن «فكرة واي فاي لأتوبيس عام في مصر توازي فكرة إنك تروح الصعيد تفتح مطعم بان كيكس»، وتابع حساب «Ma7allawi@»: «واي فاي إيه, عايزين نركب نلاقي كرسي وبعد ما نلاقي كرسي نلاقي تكييف أو مروحة في الأتوبيس.. بلد ناس ماتت فيها عشان بردانة والحكومة بتركب واي فاي في الأتوبيس».
وقال حساب «stranglov@»: «يا جدعان انتوا مش بتشوفوا الناس متشعلقة إزاي في الأتوبيسات تقولولي مكيف وواي فاي إيه الهزي ده»، وتساءل حساب «Enas0305@»: «أتوبيسات إيه دي اللي فيها واي فاي، الناس هتكتب ولا تتشعبط ؟».
بينما رفض آخرون الانتقادات الموجهة لتزويد الأتوبيسات بخدمة «Wi Fi»، حيث كتب «إيهاب الشرقاوي»، متسائلا: «هو إيه القلبان على أتوبيسات فيها واي فاي ده؟ إيه التفاهة دي؟ اللي مش عاجبه يشرب من أبعد بحر».
ومثله علقت «LadyNourie@» بقولها «أنا فعلًا مش فاهمة المتضايقين إن الحكومة تعمل واي فاي في الأتوبيسات. يعني حتى لو لمسة رفاهية لطلبة الجامعة في الحر والزحمة».
في حين قال «معتز الخضري»: «الأتوبيس الجديد فيه واي فاي هيه هيه هيه من هنا ورايح هانبات في الأتوبيسات»، وتهكمت «يسرا عادل»: «مصر بقت قد الدنيا يا جماعة».
وتساءلت «شاهيناز التوني»: «والأتوبيسات اللي فيها واي فاي ...هتكون محصنة ضد التفجيرات»، فيما أضافت «شاهيناز النجار»: «حاجة حلوة يعني دلوقتي بقى واي فاي ومتفجرات الاتنين عشان يا نتسلى يا نموت».
وعلى غرارهما سخر حساب «tehsha@»: «كده الأتوبيسات بقى فيها واي فاي وقنابل :D».. أما «هدى المصري» فتكتبت «على كده بقى التحرش في الأتوبيسات ح يبقى أونلاين»، وتهكم «أحمد سعيد» قائلا: «كل أتوبيس واي فاي له جروب واتس آب خاص به».
واعتبر «خالد ويكا» أنه بعد تدشين هذه الخدمة «محدش هينزل من الأتوبيس»، وسخر «أحمد ممدوح» قائلا: «ياسطى معلش اعمل ريستارت للراوتر عشان النت قطع».
كان الدكتور جلال مصطفى سعيد، محافظ القاهرة، شهدت حفل بدء تشغيل 24 ميني باص ذكيًا «SMART MINIBUS» جديدًا بتكلفة 8 ملايين جنيه في خطة إحلال وتجديد «الميني باصات» التي تقوم بها شركة القاهرة، العاملة في مشروع النقل الجماعي التابع لهيئة النقل العام.
وأشار المحافظ إلى أن الميني باصات الجديدة، التي تعمل على خط «شبرا – المطار»، مزودة بخدمة الإنترنت اللاسلكي المجاني «Free WiFi»، وبها شاشات «LED» لعرض خط السير للجمهور وشاشات «LCD» تعرض المواد الترفيهية وبعض الإعلانات وبرامج التوعية السلوكية إلى جانب خدمة إعلان المحطات الحالية والقادمة صوتيًا لتنبيه الركاب، ويمكن للراكب دفع قيمة التذكرة نقدًا أو بكارت ذكي مدفوع مقدمًا يتم شراؤه من محطات الأتوبيسات.
