أمنيات الراقص بقدم واحدة والمشجع الباكي: "عايزين نشتغل"

كشف الشاب محمود، الراقص بقدم واحدة عقب تأهل المنتخب المصري لكأس العالم، وكذلك حسني نصر حسين، المشجع الباكي في مدرجات المباراة عقب هدف التعادل للكونغو أحلامهما على الهواء، خلال حوارهما في برنامج "مساء دي إم سي"، مع الإعلامية إيمان الحصري، على قناة "دي إم سي".
وقال محمود: "عايز وظيفة محترمة تحترم إعاقتي، أنا دلوقتي بجري وبتنطط وبتعفرت، بس أنا محتاج وظيفة تكون مستقبلي، ونفسي أحضر ماتشات الأهلي كلها"، فيما وعده الكابتن مجدي عبدالغني خلال حواره في نفس البرنامج بإحضاره في جميع مباريات الفريق الأحمر، خلال الفترات المقبلة.
بينما قال "حسني": "أنا عايز شغل، أنا شغال ببيع سبح وبصنعها بس عند الناس، نفسي أكون في وظيفة كويسة"، فيما سارعت مؤسسة مصر الخير في الاستجابة لمناشدة البرنامج وتوفير ورشة خاصة له لتصنيع السبح.