قال الفنان محمد رمضان، إنه لا يتم معاملته بطريقة خاصة خلال تأديته الخدمة العسكرية، مضيفًا: "أنا محمد رمضان كان ممكن حاجات العسكري العادي يخدها أنا مكنتش أعرف أخدها، والمبرر إني كنت تحت المجهر". وأضاف رمضان، خلال حواره في برنامج "مساء دي إم سي"، مع الإعلامية إيمان الحصري، على قناة "دي إم سي": "العسكري العادي لو أمه تعبت ممكن ينزل، لو أمي تعبت مش بنزل، ومكنش ينفع أصحى آخر واحد، كنت بصحى أول واحد". وتابع: "فيه ناس بتقول هو محمد رمضان بينزل صور إزاي، مش هو في الجيش، أيوة في الجيش بس الجيش مش سجن، أنا بقعد أربع أيام في الجيش و3 برة".