كريم فهمي يعلن انتهاء دوره في "حكايات بنا": هفضل شايله جميل طول عمري

أعلن الفنان كريم فهمي، عبر حسابه الرسمي على موقع تبادل الصور الشهير "إنستجرام" عن إنتهاء دوره ضمن مسلسل (حكايات بنات) مع آخر حلقات الجزء الثانى من العمل، قائلا: "مع آخر حلقة في الجزء الثاني يكون انتهي دور عاصم و بالتالي انتهاء دوري في مسلسل حكايات بنات اللي ربنا سبب فيه الأسباب و خلاه السبب إن الناس تعرفني أو خلاني موجود علي خريطه الممثلين، المسلسل ده انا بحبه جدا و هفضل شايله الجميل ده طول عمري".
وأضاف: "عاصم أكتر شخصية حبتها من اللي مثلتهم يمكن عشان كان انطلاقه بس فعلا حبيته بهدوئه وقوته و حبه لأحلام، لما جينا نعمل الجزء الثاني كنت خايف معرفش أمسك الشخصية عشان كانت من خمس سنين بس مع اول شوت عفريت عاصم ركبني".
وتابع: "شكرًا كل من شارك في (حكايات بنات) علي رأسهم المنتج طارق الجنايني و فريق الإنتاج، الممثلين و طبعا صبا مبارك عشان ديه شريكة النجاح ، باهر دويدار المؤلف، ومخرج الجزء الأول حسين شوكت ومخرج الجزء الثاني اللي برضوا عمل مجهود رهيب مصطفي ابو سيف، شكرًا لكل عامل اشتغل في حكايات بنات ، شكرًا ندي أكرم و ربنا معاكوا في الجزء الثالث كلكوا، و اللي عايز اشكره بجد جمهور حكايات بنات اللي عنده ولاء و حب للمسلسل مشوفتوش قبل كده، إنتوا سبب نجاح المسلسل و سبب نجاح عاصم، شكرًا حكايات بنات".
يذكر أن مسلسل حكايات بنات الجزء الأول عرض في رمضان 2012، وكان من إخراج حسين شوكت، وتأليف باهر دويدار، وبطولة صبا مبارك، دينا الشربيني، حورية فرغلي، وريهام أيمن، ثم عرض الجزء الثاني من شهر على إحدى الفضائيات الخاصة.