أحمد خالد موسي: "العند اللى جوايا وراء "هروب اضطراري" مع السقا"

وجه المخرج أحمد خالد موسي رسالة خاصة للفنان الكبير أحمد السقا عبر صفحته الشخصية على موقع التواصل الاجتماعي "فيس بوك" قائلاً: "من عشر سنين كنت هشتغل فى فيلم مهم جدا لاحمد السقا وكنت مساعد صغير جدا والمهم يعنى ان المساعد الاول عمل كل حاجه لحد مامشينى من الفيلم ".
وأضاف: "على الرغم إنى كل الناس كانت شايفه إنى بعمل كل اللى عليا وزيادة وبصدفه اليوم ده كان بابا بيعمل عمليه صعبه الحمدلله عدت على خير وقالى أوعدنى انك تبقى قريب مكان المساعد الاول متفضلش مساعد صغير كده ".
وتابع : "بس العند اللى جوايا خلينى أقوله انا ان شاء الله مش هكون مكان المساعد الاول انا هكون مكان المخرج الكبير وهعمل فيلم مهم بالسقا وهيكون بطل فيلمى المعجزة انه اول فيلم ليا الحمدلله يارب عمرى مطلبت منك حاجه وخذلتنى هروب اضطرارى بحبك ياسقا".