"ميرهان": "كل اللي كانوا في الحجز شافوا الملازم إيهاب بحر وهو بيهتك عرضي"

تنفرد "الوطن" بنشر التحقيقات فى قضية الممثلة ميرهان حسين، وضباط الهرم، التي جرت تفاصيلها الثلاثاء الماضي في كمين الرماية.
وتنشر "الوطن" أقوال الممثلة ميرهان، وأقوال الضابطين، وتبادل الاتهامات بينها وبين رجلي الشرطة، وكذلك أقوال الشهود والتقارير الطبية.
وأثبت المحقق شريف رشاد، وكيل أول نيابة الهرم، بإشراف محمد أبوالحسب، رئيس النيابة، وجود الممثلة المتهمة خارج غرفة التحقيق واستدعاها للمثول أمامه، وقالت: "وأنا فى الكمين النقيب مصطفى توفيق ضربني على وشى بالقلم وأحدث إصابة بشفتي العليا، وهو بيشيل المفتاح من العربية عورني في صباع إيدي الصغير، وساعد في كدمة وتورم فيه باليد اليمنى، وفضل يضرب فىّ بإيديه ورجليه في الشارع، وشتمني وقال لي يا.... يا.... وشتايم أخرى كتير أنا مش فاكراها، فقال لي أنا همسح بكرامة.... أمك الأرض".
وأضافت: "بالنسبة للملازم إيهاب بحر ضربني وأنا في الكمين بإيده ورجله وبالاشتراك مع النقيب مصطفى توفيق وفي القسم أهانني وشتمني، وبالنسبة للنقيب مصطفى توفيق هوّ قصده يشتمني ويتعدى علىّ بالضرب، أما بالنسبة للملازم إيهاب بحر فهو قصده يضربني ويشتمني ويعتدى علي بهتك العرض وملامسة أجزاء حساسة بجسدي متعمدًا ويقصد منه التحرش بي وقعد يشتمني شتايم كتيرة وسخة".
وحول وجود شهود على تلك الوقائع، ردت: "أيوه، كان فيه شهود على تلك الوقائع، وهما كل اللي كانوا في الحجز اللي أنا كنت فيه أول يوم وشافوا الملازم إيهاب بحر وهو بيهتك عرضي قدامهم، وكان بيضربني وبيقطع شفتي قدام كل الحجز"، قائلة: "مش فاكرة رقم المحضر بس هوّ نفس الحجز اللي أنا بت فيه آخر ليلة"، مشددة على استعدادها للعرض على مصلحة الطب الشرعي.