هنأ الإعلامى الساخر باسم يوسف الأمة بحلول شهر رمضان،وذلك من خلال حسابه الشخصى بموقع التواصل الإجتماعى "فيسبوك" قائلا "ولفت السنة ورمضان رجع تانى.. كل سنة وانتم طيبين". وعلى غرار عادته تابع باسم يوسف تهنئته بطريقته الخاصة التى يمتزج فيها المنطق مع السخرية فكتب عدة جمل ساخرة من بينهم" بس يا ريت اللي يصوم يعرف أنه بيصوم لربنا مش عشان يتنطط على خلق الله مش لازم تطلع عصبيتك ع الناس و تذيلها بجملة أصل أنا صايم، ده سلوك عيل عنده ست سنين عايز يشد انتباه الناس و خلاص". وتابع يوسف "مش كارثة لو شفت واحد بياكل و يشرب قدامك غيرك ملايين المسلمين عايشين في بلاد عدد ساعات الصيام أكتر من عندك و الجو حر أكتر من عندك و بينزلوا الشارع و الناس واكلة و شاربة و هايصة و مش بيفرق معاه و ماعندوش رغبة يحسس اللي حواليه ببطولته و قوة احتماله"،وأضاف "موضوع ان ده بيأذي مشاعر الصائم دي حجة واهية ، لأننا بقى لو مدينا الخط على استقامته ممكن كده بقى ناس تطلع في أوروبا و أمريكا و تمنع الحجاب و تمنع بناء المساجد و ممارسة الشعائر الدينية لان ده ممكن يكون "مؤذي للمشاعر". واستطرد الاعلامى كلامه قائلا"ما هو انت ما ينفعش تاخد كل حاجة : تمتعض من بناء الكنائس و تقف ضد حرية العقيدة (اللي بالنسبة ليك تلات ديانات بس) و تمنع الافطار للي عايز و بعدين تيجي تصوت و تعيط لما يمنعوا يناء مأذنة.. من الاخر صيامك و صلاتك و دينك ده ليك و لربك".
