السقا يوضح حقيقة مكالمته مع الابراشى: "انا مش رامبو.. ونفسي أشوف ولاد بلدي في حضن بعض"

أوضح الفنان أحمد السقا حقيقة مكالمته التى اجراها لبرنامج "العاشرة مساء" مع الإعلامى وائل الابراشى على قناة دريم بالأمس، والتى طالب فيها بتوحيد صفوف المصريين فى هذا التوقيت والذى يحتاج الى تكاتف الجميع ضد الارهاب ، والتى تسببت فى اثارة الجدل عبر مواقع التواصل الاجتماعى بسبب سوء تفسير البعض لما قاله.
وقال السقا عبر حسابه الرسمى على موقع التواصل الاجتامعى "فيس بوك":" اللى شاف مش زى اللى سمع..انا مش رامبو كما سخر منى البعض ولا انا ضابط شرطه ولا جيش ولا دكتور ولا مهندس انا انسان نفسه بلده اللى اتربى وكبر فيها تبقى احلى حاجه ف العالم عشاننا وعشان اهالينا وابنائنا وعشان احنا ناس طيبين بالفطره ...جربنا كل حاجه يا مصريين..مافيش حاجه لو نجرب نرجع منتخب مصر بدل ماحنا فرق ضعيفه.
وتابع، ويشهد الله انا لست من الباحثين عن مجد وصوت عالى انا نفسى اشوف ولاد بلدى ف حضن بعض زى الاول...احنا رجاله يا مصريين وحاشى لله ان اميز نفسى واتمنظر ((على حد تعبير البعض)) انا مواطن مصرى عادى ومصر كلها رجاله وقت الشده بتبان وبنتحامى فيهم..اللهم ألف قلوبنا يا مصريين رجال وسيدات شباب وشابات صبيان وبنات".