"التحرير" يحتفل بذكري ميلاد مينا دانيال 22 يوليو

كلنا هانبقى موجودين يوم 22يوليو المقبل الساعة 8 مساءاً في ميدان التحرير لإحياء ذكراه وتدشين حملة "كاذبون.. سارقين عيشنا"، التي ستنظمها حملة كاذبون، ومجموعة مصرين لفضح كل من يحاول سلب حقوق المصريين واستكمال مسيرة بدأها شهدائنا حتى النصر ببناء وطن الحرية والديمقراطية والعدالة الاجتماعية.
وأشارت مجموعة من الحملات في بيان لها اليوم "الأربعاء"، أنه سيشارك عدد كبير من الحملات مثل " لا للمحاكمات العسكرية، أطباء بلا حقوق، حملة الحق في الصحة، حملة الحق في السكن، حملة أصحاب الدم و الهم، لا لعسكرة الوظائف، حقنا في مئة يوم (ملتقى منظمات حقوق الإنسان)، دستور لكل المصريين، حملة افتكروهم، الشهداء مش أرقام، المحليات، حاكموهم، خريطة حكم العسكر"، وغيرها من الحملات اللي هاتعرض نشاطها علشان كل واحد فينا يشوف يقدر يساعد في أي حملة علشان نبني بلدنا اللي بنحلم بيها كلنا.
وأضاف البيان في رسالته "أنه في هذا التاريخ كان من المفترض ان يكمل مينا دانيال عامه ال21 ، لكنه اختار إن يضحي بنفسه عشان حقوقننا ترجعلنا، حقوقنا في الحرية والديمقراطية، بالإضافة لحقوقنا الاجتماعية في الصحة والتعليم والسكن والعمل وغيرها من الحقوق اللي اتحرم منها مينا ومعاه 40٪ من شعبنا، مينا مش هايقدر يحتفل بعيد ميلاده معانا السنة دي، لكن كل أصحابه ورفاقه حتى اللي ماكانش يعرفه وكان مستعد يموت معاه علشان حقوقنا هايحيوا ذكرى ميلاده بالطريقة اللي كان يتمناها وفي المكان اللي واجه فيه الظلم وحس فيه بالوطن".
وأوضح البيان ان فعاليات اليوم سوف تضم عرض فيلم عن مينا دانيال، وأفلام كاذبون، وأفلام حملة سارقين عيشنا وتدشينها، وفريق اسكندريلا، وعلي طالباب، وفريقRevolution Records أصحاب أغنية عسكر كاذبون، وستانداب كوميدي.