16 حركة ثورية تطلق حملة "سارقين عيشنا" من ميدان التحرير

سارقين عيشنا ..عنوان الحملة الجديدة التى تقودها حركة كاذبون ومُصرين مساء يوم الاثنين والتى تنطلق من ميدان التحرير كما سيتم الاحتفال بذكرى ميلاد مينا دانيال ومرور عام على استشهاد محمد محسن وموقعة العباسية. وذكرت صفحة كاذبون في بيان لها حول هذه الفاعلية " سارقين كل حقوقنا, بنزين وكهرباء وبوتجاز وسكن وصحة وتعليم..وغيرها من الحقوق الآدمية الأصيلة لأى مواطن فى بلده, وده بسبب ايه؟ بسبب سرقة وجشع وإهمال .. والهدف؟ قهر وذل..طول ما الشعب دايخ ولايجد فرصة لالتقاط أنفاسه..طول ماهو غافل عن حقوقه ووضع بلده .. وبالتالى تفضل مصر تابعة للغرب ويفضل الوطن العربي كله فى صراعات وانقسامات..ويرتفع الشأن الصهيونى..ويستمر الغرب فى نهب ثرواتنا..ويستمر العسكر والرؤساء والملوك وحكومات رجال الأعمال فى امتصاص دماء الشعوب لآخر قطرة"
وقالت حركة كاذبون "قررنا نكمل حملات الشارع والإعلام البديل..وقررت معظم الحملات الموجودة فى مصر الحضور لأن اليوم ده هايوافق عيد ميلاد مينا دانيال ال21 .. مينا اختار انه يضحي بنفسه عشان حقوقنا ترجعلنا، الحقوق اللي اتحرم منها مينا ومعاه أغلب شعبنا، مينا مش هايقدر يحتفل بعيد ميلاده معانا السنة دى
اليوم ده كمان هايوافق السنوية الأولي لأول مسيرة شجاعة تتحرك في اتجاه وزارة الدفاع علشان تقول للغولة عينك حمرا و يومها كانت اصابة شهيدنا محمد محسن الي انتهت باستشهاده متأثراً بجراحه و اللي دولة العسكر لسه مش معترفة بيه كشهيد
كلنا هانبقى موجودين يوم الاثنين 23 يوليو الساعة 9 مساء في ميدان التحرير لإحياء ذكراهم .. وهنكمل مشوارهم
هتشارك في اليوم عدد كبير من الحملات:
- لا للمحاكمات العسكرية
- اللجان الشعبية للدفاع عن الثورة
- كلنا مينا دانيال
- أطباء بلا حقوق
- الحق في الصحة
- الحق في السكن
- أصحاب الدم و الهم
- لا لعسكرة الوظائف المدنية
- حقنا في مئة يوم(ملتقى منظمات حقوق الإنسان)
- دستور لكل المصريين
- افتكروهم
- الشهداء مش أرقام
- المحليات
- حاكموهم
- المبادرة الشعبية لتكريم شهداء و مصابي الثورة - لن ننساهم
- خريطة حكم العسكر
وتتضمن فاعليات اليوم
عرض فيلم عن مينا دانيال
عرض فيلم عن محمد محسن
عرض أفلام كاذبون
عرض أفلام حملة سارقين عيشنا وتدشينها
فريقRevolution Records أصحاب أغنية عسكر كاذبون.
علي طاليباب
فريق اسكندريلا
الفنان علي الحجار من السحور و حتى الفجر