البيانولا.. بالفيديو.. صباح تروي سر عشقها للحياة

جانيت فتاة لبنانية تحمل شقاوة وخفة دم مصرية ودلع لبناني، كانت بدايتها في بيروت، تغني وتلقي الشعر الذى كان يكتبه عمها الشاعر وهي طفلة، إلى ان رأتها المنتجة السينمائية أسيا داغر والتي كانت تعمل في القاهرة انذاك فاتفقت معها على بطولة أول افلامها، وكان الاتفاق على ثلاثة افلام، تتقاضى عن الفيلم الاول 150 جنيها أجرا، وبالفعل ذهبت الى القاهرة مع والدها ووالدتها ونزلوا ضيوف على اسيا فى منزلها بالعاصمة المصرية، وتولى الملحن رياض السنباطى تدريبها ووضع لها الحان فيلمها الاول، وبعدها انطلقت " صباح " في عالم الفن لتكون ملكة القلوب الشحرورة، ونجمة الاغراء وصاحبة الدلع في السينما المصرية.
وقد اشتهرت صباح بكثرة زيجاتها فقد تزوجت كلا من :
- نجيب شمس و قضت معه خمس سنوات و انجبت منه ابنها صباح شمس.
- خالد بن سعود بن عبد العزيز ال سعود و قضت معه عده اشهر و حصل الطلاق بسبب ضغط العائله عليه.
- انور منسى و قضت معه ثلاث سنوات و هو والد ابنتها هويدا.
- رشدى اباظه و قضت معه خمسه اشهر.
- يوسف شعبان و كانت زيجه لمده شهر واحد.
- النائب يوسف حمود و قضت معه سنتين.
- وسيم طيارة و قضت معه اربع سنوات.
- الفنان فادى لبنان و قضت معه سبعه عشر عاما.
واثير حولها الكثير من الشائعات عن الزواج والطلاق، بل والوفاة أيضا .
وفي حوار تلفزيوني أجراه الإعلامي الراحل طارق حبيب مع الشحرورة اثناء تصوير فيلم "ليلة بكى فيها القمر" كان هذا الحوار :
عندما سألها عن ذكرياتها وصورها أجابت انها فقدت كل شئ عندما حرق منزلها فى لبنان و لكن يكفيها الذكريات التى مازالت داخل عقلها و قلبها .
وعندما تحدثت عن فيلمها الجديد "ليله بكى فيها القمر" قالت انه مثل كل الافلام قصة حب ويحتوى على اغانى وصراع وصدمات واضافت ان المخرج أحمد يحي يدير الفيلم بشكل جيد جدا و ان حسين فهمى من أحسن الابطال الذين عملت معهم و الفيلم يحتوى على الكثير من الاغانى الناجحه من تلحين جمال سلامة .
وعندما تحدثت عن النجم حسين فهمى قالت ان بدايته كانت معاها فى فيلم " نار الشوق " و كان يقوم بدور صغير و لكن كان واضه انه سينجح و اصبح بالفعل استاذ كبير وانسان ويحب شغله .
واضافت صباح انه بتحب تعيش الحياه بصفاء و حب و سلام و لا تحب الذم فى أحد و لا تكره أحد لان الحياه " متستهالش كدا " فانا " اعيش للحب و اغنى للحب " و ليس حب الحبيب فقط و لكن حب الاهل و الاصدقاء و الوطن.
وعند سؤالها لماذا لا تقيم فى مصر بشكل كامل ؟
أجابت لانه يطلب منها حفلات كثيره فى بلدان مختلفه و انها تتمنى الحياه فى مصر بشكل كبير و لكن انا بحب مصر جدا و نفسى اعيش فيها.
وقال طارق متسائلا ليه الصبوحة مبتكبرش ؟
اجابت عشان مبسكرش وبشرب قليل واكلى خفيف وبنام كويس وقلبى طيب ومبحقدش ويمكن حب الناس.
وعن اسمها الحقيقى جانيت أجابت الصبوحة بالرغم من ان كل اخوتى اسمهم عربى " سعاد " و نجاه و "لميا " بس انا سمونى كدا لان عمى كان شاعر مهم جدا فى لبنان و كان هناك مطربه مشهوره جدا اسمها جانيت خورى، فأول ما اتولدت وسمعنى بعيط قال صوتها هيكون حلو جدا فسموها على اسم المطربه جانييت خورى و سبب تسميه أسم صباح كان فيه مجله ل "مصطفى القشاش " اسمها مجله الصباح فلما اختارتنى السيده اسيا للقيام بأول فيلم وضعت صورتى فى المجله و قالت للقراء أختارو اسم لهذا الوجه فختارو صباح و كانت السيده اسيا هى سبب شهرتى فى مصر و لكن قبلها كنت قد بدئت الغناء فى لبنان و كان اول فيلم لى " القلب ليه واحد" بطوله " انور وجدى و اخراج " بركات ".
وماذا عن ذكرياتك مع المرحوم انور منسى ؟
بدئت كلامها بكلمه حبيبى الله يرحمه كان موسيقار عظيم و افتكر لحد دلوقتى مجاش زيه كان فنان يحب الحياه و كنت بحبه جدا و انجبت منه احلى بنت انا فى نظرى هويدا حلوة قوى و هتفضل دلوعتى لاخر يوم فى حياتى و غنتلها اغنيتين " حبيبه امها " و " أكلك منين يا بطه " و منساش الاغنيه دى ابدا لانى كنت انا و فريد الاطرش جيران و كان يقف على الشباك يسمعنى اللحن دا على العود و عملى شغل كتير من الاغانى اللى عاشت و لا يمكن تموت و بالاخص اغنيه " يا دلع " و انا تقديرى له لا يوصف موسيقار عظيم و مش ممكن يتعوض و عملت معاه ثلاث افلام من انجح الافلام " بلبل افندى " و " لحن الحب " و " ازاى انساك "
كان لكى صورة بتعرضى ازياء ايه قصه الصورة دى ؟
كان فيه جوزيف هارونى خياط و زوجته صديقتى جدا و كان فى البدايه فقالى يا ريت تعمليلى فستان دعايه فقولتله مش بس كدا انا هعرضلك كمان لان انا احب ان اساعد الناس .
وعن سر التالق و الشياكة التى تتمتع بها صباح .. أنا بهتم بالحاجات دى من و انا صغيره و كان لى عمتى خياطة فكنت باستمرار عندها اقولها اعمليلى كذا و كذا .
و عن وديع الصافى قالت الشحرورة اشتركت معه فى مهرجانات عديده صوته من أجمل الاصوات بس لما بنشتغل سوا بنكون متنمرين لبعض و كانت هناك منافسه قويه لان صوتانا متشابهان فى قوتهم
وعندما سالها عن الاهلى و الزمالك و عن كونها منتميه للنادى الاهلي ؟
اجابت انها عندما كنتا متزوجه من أحمد فراج كنت معه فى نفس الاتجاه ام الان فأنا " بشجع اللى بيلعب كويس "
وعن ذكرياتك مع عبد السلام النابلسى ؟
هو اللى سمانى شمس الشموس و كان اعز صديق عندى و مرة تعبت و كان عندى مهرجان فى بعلبك و نصحونى الدكاترة انى مغنيش فى المهرجان و انا مقدرتش كنت مرتبطه معاهم قالى متغنيش صوتك هيتعب بس انا طلعت و غنيت فى المهرجان و الحمد لله نجحت فلقيت خروف لوحده داخل البيت و حططله شريطه زرقا و جرس و عاوز يدبحه قدام الباب عشان نحجت قولتله ابدا دا انا لو شفت خروف بيدبح قدامى اموت و كنت لما اتعب نفسيا اقعد معاه اكلمه و كنا دايما نسهر عنده و كنت دايما انا و هو و فريد الاطرش سوا باستمرار و كان مؤمن جدا و انا كمان مؤمنه اوى يمكن دا اللى مخلينى دايما شباب
وعن ذكرياتك مع الفنان محمد فوزى ؟
كنا انا والاستاذ محمد فوزى احلى ثنائى فى وقت من الاوقات و حضرنا سوا عرض فيلم الانسه ماما و كنت بعمل فى الفيلم دور بنت شقيه و هو كان زى الاخ و اكتر و عملى اغنيه " هنا القاهرة ".
Video of صباح فى لقاء مع طارق حبيب - ارشيف الذكريات