البيانولا .. بالفيديو.. سامية جمال تتحدث عن «حبيب العمر»

كانت سامية طفلة حزينة تحيا مع زوجة أب قاسية، و بعد وفاة الاب انتقلت الشابة التى كانت مازالت في مقتبل العمر للحياة مع أختها والتى كانت زوجة لموظف فقير لا يكفى مرتبه لحياة زوجته و أبنائه فتعلمت الخياطة حتى تستطيع العيش .
بدأت قصتها مع السينما عندما ذهبت لمشاهدته فيلم " ملكة المسرح " لملكة الرقص حينذاك بديعه مصابنى، وخرجت من السينما تحلم بأن تكون راقصة في فرقه بديعه و دخول هذا العالم المبهر .
و بدأ المشوار بتحقيق أول أحلامها والعمل في فرقة بديعه و تحول اسمها ل " سامية جمال" بدلا من " سامية خليل ابراهيم محفوظ " و أستطاعت أن تثبت انها راقصة محترفة و ليست مجرد راقصة في فرقة .
وكان الحب الأول في حياة النجمة الصاعدة "سامية جمال " هو الموسيقار والفنان الكبير " فريد الاطرش الذي ارتبط اسمها باسمها في أول مشوارها الفنى و كانت قصة حبهما من أشهر القصص في الوسط الفني، وكانت تتمنى الزواج منه الا ان هذه القصة انتهت نهاية غير مرضية، لأن فريد كان يرفض الزواج لاعتقاده أنه سيقضى على عاطفة الحب و سينهى على مصدر حبه و إلهامة لألحانه و أغانيه .
وكان لسامية حوار تلفزيونى تتحدث فيه عن حبيب العمر فريد الأطرش و اليكم الحوار :
- هل كان الفنان الكبير فريد الأطرش هو حبيب العمر بالنسبة ليكي؟
**دة صحيح و مش بس انا اللي بقول كده و كمان كل الناس اللي حبونا بيقولو كده و لسة مصرين عليها لحد دلوقتي
- نتكلم عن ذكرياتك بالنسبة لحبيب العمر و بعدين نتكلم عن ذكرياتك بالنسبة لفريد الأطرش ..
**الله يرحمه .. عموما هو عايش في قلوبنا حقيقي ومش في قلبي انا .. ده عايش في قلوب كل الناس اللي بيحبوه، لان في في ناس كتير جدا بتحبه لغاية دلوقتي و لا يمكن يتنسي ابدا ،
- اول لقاء كان بينك و بينه كان امتى و فين و كان ازاي ؟؟
**انا هقول حاجة صغيرة من عندي .. انا قبل ما اقابله باربع سنين كنت لسة صغيرة اوي لكن سمعت صوته في الاذاعة و حبيت صوته اوي برغم اني كنت بسمع ناس كتير لكن ماعرفش حسيت بصوته اوي ، و كنت دايما احاول اتتبع الأغاني لو في يوم ماكنش عندنا راديو، و في سنة 40 لقيت مجله نازل عليها صورته و جرمت نفسي من الأكل و اشتريت عشر مجلات و كانت دي اول مرة اشوف شكله فيها و الوقت دة كان وقت بروفة و كان واقف جنبي طفل صغير و بسألو و انا متشوقه اسمع الاسم " مين دة يا حبيبي؟ طب صورة مين دي يا حبيبي ؟ " وطبعا ماردش لانه عندو 4 سنين.. فسمعت صوت من ورايا بيقولي دة انا فمهتمتش اول مرة و لما جيت اسال الطفل تاني لقيت اللي واقف بيقوللي "بقوللك انا" .. فبتلفت لقيت فريد الاطرش ورايا فأغم عليا على طول .. دي اول مقابلة بيني و بينه
- و ايه اول لقاء عمل؟
** كان ابتدى يعمل اول فيلم ليه اسمه "انتصار الشباب" مع اخته الله يرحمها .. و حاولت احوش و اجيب بكل ما عندي بوكيه ورد كبير اوي و خدته و رحت استديو ناصبيان عشان اهنيه و اقوله مبروك على الفيلم الجديد ، فالظاهر كان قايلهم اني مغرمة بيه و معجبة جدا بصوته .. ساعتها خدوني و عملولي مكياج و كان اول مرة اظهر على شاشة السينما كان في انتصار الشباب و ماصدقتش انهم خدوني و انا ماعرفش حاجة ولا استديوهات ولا كاميرات و لما قالولي هنوقفك جنبه وافقت على طول و طلعت في حته كدا في الفيلم و بعدها التقينا مرارا.
- ايه الاغنيه اللى لما غناها فريد كان فعلا بيغنيهالك ؟
**حبيب العمر
- والاغنيه اللى حسيتى انها موجهه ليكى بعد البعد ؟
** أنا كنت فاكرك ملاك اتارى حبك هلاك، حسيت انها متوجهه ليا مع انى ماليش ذنب و لا هو، و أخر لقاء كان يجمعنا أوئل عام واحد و خمسين و كان قبل ما يتوفا بشهر و نصف كانت عزومه كبيرة و كان بها جميع الفنانيين و التقاينا و فرحت جدا لما شفته و قرب منى قال لى عاوزة اقولك حاجة انا متشائم قوى حاسس ان حاجة وحشه هتحصل قولتله ليه خير ؟ قالى كان معايا قرأن - اللى كان معاه باستمرار- اتسرق منى او مش لقيه و لو ملقتوش هيحصلى حاجة مش كويسة، قولتله بسيطه بكرة أجيبلك قرأن تانى فكان متشائم جدا و كان عنده حق لان بعدها بفترة صغيره توفى و لكن هو لسه عايش فى قلوبنا .
Video of سامية جمال تتحدث عن حبيب العمر جزء 1
Video of سامية جمال تتحدث عن حبيب العمر جزء 2 والاخير