مراسلة "قناة 25": سأسجد لله شكرًا عندما تحتل إسرائيل سيناء

تداول رواد موقع التواصل الإجتماعي "فيس بوك" باستنكار شديد، تصريحات لمراسلة قناة 25 الإخوانية مروة عبدالعزيز، تؤكد فيها أنها ستسجد لله شكرًا إذا قامت إسرائيل باحتلال سيناء.
وكتبت مراسلة القناة: "كما سجد الشعراوي سجدة شكر عندما حدثت النكسة , وليس لنكسة مصر ولكن لنكسة النظام الفاسد وقتها وفجره , أنا أيضا سوف أسجد سجدة شكر عندما تحتل إسرائيل سيناء الآن في ظل هذا النظام الفاسد والقضاء الفاجر والداخلية البلطجية والجيش العاهر والشعب الظالم والوطن الذي بلا وطن والدولة التي بلا دولة، نعم... أنا الآن لست مصرية بل مسلمة ، وديني هو وطني أبحث عنه وأقيمه في المكان المناسب إن أمكن لي ذلك ."
وعلق رواد "فيس بوك" علي تصريحات المراسلة، بأنها تأكيد لخيانة الإخوان، وعدم انتماءهم للدولة المصرية، ومن بعض هذه التعليقات: "دي بقت حاجة تقرف وتثير الغثيان"..، و"حالة الاخوان التعساء اصبحت حالة جزام فكرى وعقلى واخلاقى ودينى، وليس للجزام علاج للاسف"، و" الناس دي محتاجة علاج نفسي"، و"منتظرين إيه من ناس سافرت غانا علشان تشجعها ضد مصر"، و"اللي يطالب امريكا والناتو بالتدخل في مصر علشان يرجع مرسي مش بعيد عليه يفرح بالاحتلال"، "و" طبعا صديقهم الوفي شيمون بيريز هيظبطهم ساعتها"، و"الناس اللي نزلت لابسة اسود وتشتم في الجيش المصري يوم عيده في 6 اكتوبر لازم يكونوا خونة ملهاش تفسير تاني".
وكتب أخر: "لما تيجى ذكرى النكسة الى مصر كلها مسلمين ومسيحين وشحاتين وعلمانين وكل الناس بتبقى زعلانة فى اليوم ده عشان اتهزمنا من اسرائيل، وتيجى انت فى اليوم تفرح وتصلى ركعتين شكر وتبقى السعادة والشماتة فى وشك، تفتكر بعد كل ده تبقى مصرى ؟"
"طب بلاش، لما تيجى ذكرى نصر اكتوبر الى مصر كلها مسلمين ومسيحين ومجانين وعاقلين ورجالة وستات واطفال بيبقو فرحانين وراسهم فى السما عشان اليوم ده انتصرنا على اسرائيل، وتيجى انت فى اليوم ده تلبس اسود وتنزل تضرب فى الجيش وانت جواك غل وكره ، تفتكر بعد كل ده تبقى مصرى ؟".
"طب بلاش، لما تيجى يوم الماتش بتاع مصر وغانا الى فيه كل المصرين مسلمين ومسيحين من اسكندرية لحد اسوان ومن الصعيد لحد بحرى ومن سينا لحد السلوم كل الناس بتشجع مصر ونفسها نكسب عشان لو كسبنا مصر كلها هتكسب ولو خسرنا مصر كلها هتخسر، تيجى انت فى اليوم ده وتسجد لربنا عشان مصر تخسر وترفع ايدك لربنا وتقول يا رب نخسر، واول ما مصر تخسر الفرحة تيجى على وشك وتضحك وتنزل تهيص فى الشارع وتنسى ان فى حد ماتلك اساسا، تفتكر بعد كل ده تبقى مصرى ؟".
"فيه فرق بين إنك تكره قيادة او حكومة .. وبين انك تكره وطن، احنا فى البلد دى عشنا 7000 سنة، يا أخي دا حتى أيام ما كانت البلد دى فيها احتلال من الغرب، عمرنا ما كرهنا البلد ولا اتمنينا الخسارة ليها فى أي حاجة زي ما انت بتعمل كده، عايز أقولكم ان الموضوع وصل إن فيه ناس مش مصريين كانو بيشجعوا مصر، وفيه ناس للأسف فى البطاقة مكتوب مصرى وكان بيشجع غانا، تفتكر بعد كل ده تبقى مصري ؟".