تصدر هاشتاج "مصطفى أبو تورته"، موقع التواصل الاجتماعي تويتر، بعد الواقعة الطريفة التي أثارتها فتاة عبر السوشيال ميديا. حيثت نشرت الفتاة قصة انفصالها عن خطيبها الذي تركها بإحدى قاعات الأفراح، ورحل بعد أن أخذ معه "التورتة".، الأمر الذي أثار موجة سخرية، عبر مواقع التواصل.
وقالت الفتاه : "أنا كان مقري فتحتي زي ما كله عارف على مصطفى وخطبتي كانت يوم السبت، اللي فات المفروض كان بينا مشاكل زي أي اتنين عاديين مع مامته بقى وخلافات بتحصل أول ما أطلب حاجة وقولت دا عادي بيحصل بس اللي متخيلتش إنه يحصل إنه يسيبني في القاعة لوحدي.. اتفاجئت إنه مش عازم صحابه ولا قرايبه كلهم وحسيت في حاجة غلط حتى مامته وأخته مفيش.. واحدة فيهم جت باركتلي وقولت أمشي اليوم”.
وأضافت الفتاة: كل ما أقوله فين الشبكه اللي هنلبسها يقوللي أصل اتكب عليها شربات أصل وقع جاتوه عليها.. طب خليها بعد البوفية وكلام كله غريب كدا لحد ما دخلنا بعد البوفية لقيت أهله كلهم مشيوا.. وقال إيه خالوا تعب! فيقوم أهله كلهم يمشوا وأنا في القاعة لوحدي بدور عليه الاقيه بيصرخ برا ويقول خالي عيان وبيلطم وحاجات غريبة كدا وأنا اقسم بالله ما مستوعبة اللي بيحصل هو في واحد خاله عيان عيلته كلها بتمشي الستات اختفوا بس كانو بيهزروا فوق نسوا العيان”.
وتابعت: "والأنيل إننا اكتشفنا إنهم أخدوا التورت معاهم طب مش خالك عيان.. أخدتوا التورت معاكم ملبستنيش شبكة.. وقبل كل دا بأيام جالي البيت وأخد التوينز بتاعت قراية الفاتحة بحجة إنه عايز يلبسني كله مرة واحدة في القاعة وأنا هبلة وافقت مجاش في بالي للحظة واحدة انه هيعمل فيا كدا".
وأوضحت العروسة التي هرب منها عريسها، : " دلوقتى حبه أقول كل دا عشان ايه؟ كان ممكن ننهي بالمعروف من غير أذى نفسي ليا.. كان ممكن تسترجل وتيجي تقولي يلا نفركش وكنت لغيت الخطوبة.. مش جي وبترقص وتقولي محضرلك مفاجأة.. وفي نيتك تعمل فيا كدا.. حسبي الله ونعم الوكيل". الأمر الذي دفع النشطاء عبر المواقع السخرية من العريس الهارب وأطلقوا عليه "مصطفى أبو تورتة".
- وقال ناشط، "بكرة يقعد يتفرج على أخته وعلى حيحصلها"، وأضاف آخر ، كلنا بندعي عليك يامصطفي ابو تورتة، وعلق آخر، الشباب مبقاش ليهم أمان.. كلكم مصطفي ابو تورته.