بالصور.. تاهت من أسرتها منذ 25 عاما وعثروا عليها في "أنا وابن عمي بنساعد الغريب"

نشرت إحدى المشاركات على جروب انا وبن عمي بنساعد الغريب، رسالة من صديقة لها تاهت من أسرتها منذ 25 عاما، وبعد أن نشرت مضمون رساله صديقتها مصحوبة ببعض الصورة لها وهي طفلة، عثرت عليها شقيقتيها وأرسلوا لها باقي التفاصيل عن اليوم الذي فقدت فيه.


وقال حساب يدعى "موررا" لاحد المشاركات على الجروب تقول: "البنوته دي تاهة من مامتها من حوالي 25 سنه . ومش قادره تعيش من غير ما تفكر فيهم عايزين كلنا ندعي لها بحق الشهر الكريم، ودا كان مضمون كلامها".
وأضافت الفتاة، "هو انا ممكن الاقى اهلى ازاى بعد 25 سنه نفسي اعرفهم واشوفهم. انا توهت من مامتى وانا عندى 4 سنين .روحت ملجأ وبعدها ست كبيره اتكفلت بيا لحد ما اتعلمت واتجوزت واتوفت الله يرحمها . انا مش متذكره اى حاجه غير ان ماما كان اسمها سهام بابا اسمه عادل وكان ليا اخت اسمها دينا . ادعولى ربنا يجمعنى بيهم انا محتاجاهم اوى والله"
وتابعت، "دى صور ليا من الفتره اللى توهت فيها لحد 8 سنين تقريب الصوره اللى قاعده فيها ع الكرسي اقرب صوره لشكلى في الوقت اللى توهت فيه ، انا مش معايا اى صور ليوم ما توهت، دى صور الست اللى اتكفلت بيا كانت مصورهالى".

واستكملت، "يارب يكون اى حد من عيلتى موجود هنا ويعرفنى، انا دورت كتير وسألت كتير في الملجأ اللى كنت فيه علشان يفيدونى ب اي معلومات بس محدش بيقولى حاجه، انا متأكده ان ماما بتدور عليا لحد دلوقتى، انا بقيت امشي في الشوارع ابص في وشوش الناس يمكن اعرفك او تعرفيني يا امى، انا مش محتاجه اى حاجه والله انا اتعلمت كويس واتجوزت وعندى بنتين الحمد لله بس مش عارفه اكمل حياتى كده وانا عارفه ان ليا عيله مش عارفه اشوفهم ولا الاقيهم"

شقيقتها غادة:
ثم قام بالتعليق حساب باسم غادة عادل، وقالت على المنشور بعد أن تم تداوله خارج الجروب،: " يا جماعه مش عارفه اوصلها والله حاولوا انتو تكتبولها ع البوست في الجروب لانى مش فيه ف مش عارفه اعلق، انا مامتى اسمها سهام والدى اسمه عادل اختى الكبيره اسمها دينا ونورهان تايهه من ماما بقالها 26 سنه انا غاده واتولدت بعد هى ما تاهت ب سنتين ولينا اخ اسمه حساام اصغر منى
ساكنين في محطه الرمل، هى كانت راجعه من عند تيتا مع ماما وتاهت منها وملقتهاش بعدها ومن ساعتها والله واحنا بندور عليها وبلغنا في الاقسام وقتها ومعرفناش نوصلها برضوا، دى كل المعلومات يا نورهان يارب تكونى فاكره حتى توهتى ازاى، وانتى اسمك نورهان بس تلاقيكي معرفتيش تقولى اسمك كويس ساعتها، يلا بقى ردى الله يباركلك".

شقيقتها ندى:
ثم قام حساب آخر باسم "ندى عادل"، وهو اسم شقيقتها الثانية، معلقا على المنشور وتؤكد فيها القصة، وتطالبها بسرعة التواصل".