برر سائق الجرار المتسبب في كارثة محطة مصر الحادثة قائلا :"الجرار حالته "بايظة" ولو كانت حالته كويسة مكنش حصل كل ده". وأضاف علاء، في لقاء مع الإعلامي وائل الإبراشي، مقدم برنامج "كل يوم"، المذاع عبر شاشة "أون إي"، مساء اليوم الأربعاء، أن :"كان المفروض أوقف الجرار لكن أنا اهتمت اتخانق مع زميلي اللي خبط في وكنت في حالة غضب لأني كان ممكن يحصلي حاجة من الخبطة"، مستدركا :"الغلط أني لما نطت من الجرار نسيت أعمل احتياطاتي عشان يوقف الجرار". وتابع سائق الجرار، :"لما الجرار انطلق بسرعة كبيرة اتصلت بالبرج رد علي مرة والمرة التانية مردش علي، والبرج كان ممكن يعمل حاجة لما كلمته مرة رد علي الموظف قالي ماشي ماشي ، والمرة التانية مردش علي". وأكمل :"الموضوع ده بيحصل كتير لأن الجرار ده وغيره مينفعوش يطلعوا، وأنا بعد الحادثة روحت عادي وكنت هروح الشغل بكرة عادي محدش قالي أن فيه حادثة اتقالي تصادم بس، ومفيش حد بيحاسب حد في الهيئة المسئولية ضعيفة شوية".