الزوجة :يخونني مع جارتنا المتزوجة

لم يمر على زواجهما أكثر من شهر، حين أقدمت على رفع دعوى طلاق ضد زوجها بتهمة الخيانة.
وقالت الزوجة (نورهان.ع) 25 سنة، فى دعواها «أنا اللى أستاهل عشان رضيت أنى أتجوز راجل عينه زايغة وبصاص وعشان استعجلت واتجوزته على طول، من غير ما أدى لنفسى فرصة أنى أعرفه كويس أو أعرف شخصيته».
وأضافت الزوجة، كان (خالد.ص) 28 سنة، زميلى فى الشركة وكان مشهورًا بأن عينه زايغة وبيحب يعاكس البنات اللى فى الشركة أو أى ست من العملاء، كان أقدم منى فى الشغل وكنت لسه شغالة جديد، جذبنى تجاهه بخفة دمه اللى كان الكل بيشهد لها وثقته بنفسه ووسامته الزائدة، حاول يبدى إعجابه بى لكنى كنت دائمًا أصده على الرغم من إعجابى الشديد به، لكنى لم أصارحه أو أظهر إعجابى به.
وتابعت «كان دائم الهزار معايا ومع كل البنات اللى فى الشركة، وكان بيحب المعاكسة جدًا، بس كنت بأنظر للموضوع بأنه هزار مع زملائه مش أكثر، وبعد فترة بدأ يصارحنى بإعجابه الشديد بى وأنه يريد أن يتقدم لخطبتى».
واستطردت نورهان «فرحت جدًا زى أى بنت، تجد راجل بيحبها وبيصارحها بحبه لها وعايز يتقدم لها، وخصوصًا أنى كنت معجبة به، ووافقت على طلبه وحدد موعدًا مع أبى وبعد أن جاء وطلب يدى صمم على أن فترة الخطوبة ما تستمرش كثير، بحجة أنه جاهز من مجاميعه، فوافقت على طلبه وأقنعت أهلى به رغم رفضهم لفكرة زواجى بتلك السرعة.