الرجولة أدب..

رجع محمود من برة لقى بالونات متعلقة وزينة وتورتاية صغيرة فنادى على مراته
_ساميااااااة أنتى يا ست
_نعمين يا حبيبى
_ إيه يا ست ده أنتى عاملة حفلة
_ياحبيبى كل سنة وأنت طيب النهارده عيد ميلادك
_طب ياستى وأنتى طيبة بس التورتة دى معناها أنك خرجتى من ورايا
_لا والله دنا جايبة الوصفة من النت وعاملاها هنا
_إذا كان كده ماشى
_ وكمان جبتلك الهدية دى
_إيه ده جاكيت ده شكله غالى
_مبروك عليك يا حبيبى
_ جبتى الفلوس منين أسامية
_حوشت من مصروفى والله
_بلاش استعباط جبتى الفلوس منين انطقى
_استعباط الله يسامحك
_ماهو لما أكون أنا اللى ماسك مصروف البيت وبجيب كل حاجة وبديلك مصروف زى الأولاد يبقى أكيد فى استعباط
_قصدك إيه يعنى
_قصدى أنك أكيد بتقلبينى أو بتمدى أيدك فى جيوبى وأنا نايم
_حرام عليك
_حرام عليكى أنتى تسرقى جوزك ياهانم يا بنت الأصول ومسمهاش حوشت من وراك اسمها خنصرت من وراك
#حدث بالفعل
وبتزعلوا لما تسمعوا إن فى واحدة قتلت جوزها
#اسألونى_أنا