تشطيبات سوبر لوكس

الواحدة مننا جوزها لما يحب يغيظها او حتى يدارى على تصرفاتة اللى بقت لا تحتمل يقعد يتفرج عالتليفزيون و يقولها على اى موزة شوفتى فلانة عاملة ازاى شوفتيها موزة ازاى و يقعد يتحسر على نفسة و يمصمص فشافيفة و يحسسها انة و اقع من الدور الاخير و بعدين يعيب عليها و يقولها مال شعرك عامل كدة لية و انتى مش ملاحظة انك تخنتى اوى اليومين دول لو مخستيش ح اتجوز عليكى اللهم بلغت اللهم فاشهد (وهو تلاقية مفيش فجيبة غير 3 جنية) و لبسك مالة مبقاش شيك زى زمان كدة لية فتقعد مراتة و تتكسف من نفسها و تبقى عاوزة الكرسى يتشق و يبلعها وبتقول للحيطة دارينى . . حبيبتى اول ما جوزك يقولك كدة عاوزاكى تفرحى و تزغرطى و اعرفى ان طاقة القدر اتفتحتلك ازاى حاقولك - خدى مصروف البيت و ديلك فسنانك و فوريرة عالكوافير و دلعى نفسك اشى باديكير و اشى مانيكير وقص شعر و صبغة و تاتو وحاجات من دى و متسبيش حاجة غير لما تعمليها و بعدين جرى عالبيت طبعا اول ما جوزك حيشوفك حيفرح و يظاطط و بعدين شوية كدة لما يفوق هيسالك فين الغدا قوليلة معلش يا بيبى ملحقتش اطبخ النهاردة اصل انا كنت باعملك التشطيبات السوبر لوكس دى هيسالك جبتى الفلوس منين (وهنا بقى المفاجاة) قوليلة خدت مصروف البيت و اللة يا حبيبى دة مش علشانى دة علشانك انت اصل انت صعبت عليا اوى (مع ابتسامة و حبة برود )و اسالية انت مش مبسوط ولا اية طبعا بعد كدة حيبطل يقولك الكلام اللى زى السم دة تانى و يقولك انت اجمل ست فالدنيا و ساعتها حيعرف قيمتك بجد (صحيح رجالة متجيش غير بالكوافير)