"ب لبن" يعلن إعادة فتح فروعه غدا: رجعة حلم كان بيضيع

أعلنت شركة "ب لبن" عن إعادة فتح فروعها في مختلف أنحاء مصر غدًا الإثنين، الموافق 28 أبريل الجاري، معربة عن شكرها وتقديرها للرئيس عبد الفتاح السيسي وكافة أجهزة الدولة على مساعدتهم في تجاوز أزمة غلق كامل الفروع بعد رصد مخالفات تتعلق بسلامة الغذاء والتراخيص.
كتبت الشركة في بيان عبر صفحتها على موقع التواصل الاجتماعي "فيسبوك"، تقول: "ب لبن رجع خلاص.. وخلاص أبوابنا هتفتح من بكره تاني".
وتابعت: "الأزمة كانت محنة كبيرة قوي.. كانت اختبار حقيقي، وقفنا فيه مع نفسنا، وحسينا بقيمة نعم ربنا، وقيمة الناس اللي كانت سند حقيقي وقت الشدة".
وأردفت: "ناس كتير بان أصلها وقت الأزمة، وعرفنا إن الرجالة الحقيقيين بيبانوا لما الأيام تضيق.. والحمد لله خلاص.. مش مجرد فروع هترجع تشتغل، دي رجعة روح.. رجعة كرامة.. ورجعة حلم كان بيضيع.. لكن ربنا أنقذه بلطفه".
واستطردت الشركة قائلة: "راجعين علشان آلاف لسه شايلين الحلم جوانا.. راجعين علشان نكمّل المشوار اللي بدأناه وصدقناه".
وأضافت: "شكرًا لكل اللي استحمل، لكل اللي صبر، لكل اللي آمن إننا هنعدي... وعدّينا.. شكرًا لكل اللي قال كلمة طيبة ووقف جنبنا.. وجميلكم في رقبتنا، وراجعين ليكم وأقوى بيكم".
واختتمت الشركة بيانها برسالة للقيادة السياسية قائلة: "وشكرًا من القلب لفخامة السيد الرئيس عبد الفتاح السيسي، ولكل أجهزة الدولة المصرية اللي دعمت الحلم بتاعنا وأنصفت مجهود سنين.. وشكر خاص لمعالي الفريق كامل الوزير،
اللي كان دايمًا نموذج للمسؤول الوطني، وسند حقيقي وقت الأزمات".
الجدير ذكره، أن غلق محلات "ب لبن" جاء بعد غلقها لعدة أيام نتيجة رصد بكتيريا مسممة داخل منتجاتها. علاوة على رصد مخالفات تتعلق بالتراخيص، وضرائب مستحقة لم يتم سدادها.
تم نسخ الرابط