ياسمين عز تثير الجدل بحديثها عن مميزات الزواج من مهندسة ومدرسة

أثارت الإعلامية ياسمين عز الجدل خلال الساعات الماضية، بالحديث عن مميزات الزواج من مهندسة أو مدرسة بالنسبة للرجل، وهو ما تناقله رواد مواقع التواصل الاجتماعي وسبب تفاعلا ً واسعاً.
ياسمين عز تثير الجدل
وخلال لقائها ، قالت ياسمين عز: "قدمنا مزايا الزواج من الدكتور والمهندس وموظف البنك، بعدها جت لينا رسائل كتير من حبايبنا، واتقال لنا هو إحنا مالناش نفس تتكلمي عننا في حلقة ولا إيه، في الأول كنت لسه بشوف الوضع إيه، وطبعًا عندكم حق وليكم حق، وهنبدأ نتكلم عن ده، ده أنا لو ما اتكلمتش عنك هتكلم عن مين".
وواصلت حديثها :"يا سعدك يا هناك يا فرعون لو اتجوزت مهندسة لأن فخامة الاسم تكفي، ومش هتكون محتاج حاجة من الدنيا، بنت على الفرازة وزي ما الكتاب بيقول، واوعى تصدق الشائعات المغرضة اللي بتكتب أن بنات هندسة مسترجلين ومش حلوين، دول ملكات جمال من نبت شعرهن لأخمصهن، وكل خطوة بحساب وكل قرار محسوب بالمازوة وحياتك معاها هتكون بالمسطرة".
تابعت :"هقول لك على ميزة رهيبة في المهندسة وهي أن حواجبها الاتنين قد بعض بالظبط والبنت المهندسة بتتعرف من حواجبها لأنهم بيكونوا مظبوطين وقد بعض بالملي في شكل متناسق انبهاري ويسر الناظرين".
كما تطرقت بالحديث عن فوائد الزواج من معلمة بالنسبة للرجل المصري فقالت :"المدرسة تتجوزها وأنت في بطنك بطيخة صيفي ومعاك شهادة ضمان أن حياتك هتبقى سعادة وبهجة وفرح، لأن الأم مدرسة فما بالك لما تكون مدرسة أهي عظمة الجملة دي تكفي وتخليك منشكح، والمدرسة بالها طويل أوي واحدة قاعدة في فصل فيه 40 طالب بتقدر تتعامل مع كل طالب فيهم ما بالك أنت لوحدك يعني درس خصوصي في البيت زهتصحح غلطات حياتك وهتمسحها بأستيكة ومش هتفكرك بماضيك".
أيضاً أضافت الإعلامية :"المدرسة دايمًا صاحبة واجب ونصيبها في الغدا هتسيبه ليك عادي، وشهادتها فيك عمرها ما هتكون مجروحة لأن هي هي بتاعة شهادات، والزوجة المدرسة هتشوف معاها الدلع كله وهتحس معاها أنك طفل أو بيبي صغير، وهي أطيب قلب ممكن تقابله ولو زعلتها في حاجة كفاية تهزر معاها وتقول لها ما تزعليش مني يا ميس هتلاقيها نسيت، ومواعيدها مظبوطة".
ونقدم لكم من خلال المستقبل تغطية شاملة لكل أخبار الطقس والأرصاد الجوية وأسعار الذهب وأخبار مصر وأخبار السعودية والأخبار المحلية وأخبار الاقتصاد وأسعار العملات وسعر الدولار و أسعار الدواجن اليوم وأسعار اللحوم وأسعار مواد البناء والحديد ومواعيد القطارات وأخبار الفن ، يقوم فريق المستقبل بتغطية كافة الأحداث الرياضية مثل الدوري المصري والدوري الإنجليزي والدوري السعودي والدوري الإسباني وكافة البطولات الأوروبية والعالمية ودوري أبطال أفريقيا