إيه المشكلة لما نعمل حاجة شبهه!.. أمير كرارة يعترف باقتباس مسلسل «سوق الكانتو»

تحدث الفنان أمير كرارة للمرة الأولى عن اقتباس مسلسل "سوق الكانتو" الذي قدّمه خلال موسم رمضان الماضي 2023 من أحد الأعمال الأجنبية بعنوان " بيكي بلايندرز".
أمير كرارة يعترف باقتباس سوق الكانتو
وخلال لقائه بالبرنامج الإذاعي "الراديو بيضحك "9090"، قال أمير كرارة :""أول ما نزل البوستر اتقال بيقلدوا بيكي بلايندرز، آه إحنا بنقلده، أنا صريح جداً على فكرة، أنا كنت قاعد على الكرسي وحسين المنباوي جنبي وكان المسلسل شغّال قلت له هموت واعمله".
وواصل حديثه :"ويا عم آه بنقلده، إيه المشكلة لما نعمل حاجة شبهه؟ ما فيه زمن بتاع البريهات والبالطوهات، مش كان فيه مصر ما تيجي نعمل الزمن ده، وعملنا حدوتة تانية خالص، وأنا حبيت أغير الشكل بشكل المسلسل بالحدوتة والزمن، فتلاقي اللبس والشوارع والديكور مختلف، وقلت لهاني سرحان نفسي أعمل حاجة شبه "بيكي بلايندرز".
ولفت الفنا :"زي فيلم البعبع، اتقال بيقلدوا فان ديزل، اشمعنى بره بقى له عشرين سنة بيطلع بالجينز والفنلة البيضة وهناك مكسّر الدنيا… مشوا الدنيا وما تحبكوهاش واتبسطوا إحنا بنعمل حاجة لطيفة".
وأشار أن أيضاً الأجانب يتبعوا نفس السياسة معبراً :"ما هم بره بيقلدوا برضه، وفيلم مان فاير كسّر العالم مع أنه هو هو الفيلم اللي عمله أميتاب باتشان من عشر سنين، أصل الحب واحد والكره واحد والأكشن واحد والكوميديا واحدة، هي تيمة وبنعملها بشكل مختلف، ما إحنا شوفنا مسلسلات كتير لواحد ومراته حبوا بعض واتطلقوا".
كما تحدث عن نجاح المسلسل مقارنةً بجعفر العمدة، قال أمير كرارة :"سوق الكانتو خد حقه بعد رمضان، وفي نوعية من الناس اتفرجت وكانوا منبهرين بيه، ولكن رمضان ليه ظروفه والناس بتحب القعدة واللمّة وتوقع الأحداث والأحداث السخنة زي مسلسل جعفر العمدة".
وأضاف :"سوق الكانتو كان حالة مختلفة وعايز اللي يقعد له ويفهمه، وحد قالي اعتبر المسلسل ده حاجة سينيه في تاريخك، مينفعش برضه نعمل كل حاجة شبه بعض، وفي كذا مسلسل السنة دي كسر الدنيا".
ونقدم لكم من خلال المستقبل تغطية شاملة لكل أخبار الطقس والأرصاد الجوية وأسعار الذهب وأخبار مصر وأخبار السعودية والأخبار المحلية وأخبار الاقتصاد وأسعار العملات وسعر الدولار و أسعار الدواجن اليوم وأسعار اللحوم وأسعار مواد البناء والحديد ومواعيد القطارات وأخبار الفن ، يقوم فريق المستقبل بتغطية كافة الأحداث الرياضية مثل الدوري المصري والدوري الإنجليزي والدوري السعودي والدوري الإسباني وكافة البطولات الأوروبية والعالمية ودوري أبطال أفريقيا