الفنانة مونيا تصدم جمهورها بحديثها عن قبولها تعدد الزوجات.. شاهد

تحدثت الفنانة مونيا بطلة مسلسل "عائلة الحاج متولي"، عن مبدأ تعدّد الزوجات، كاشفةً أنها بالفعل سمحت لزوجها السابق بالزواج عليها، وذلك خلال لقائها ببرنامج "قعدة ستات".
تصريحات مونيا الأخيرة
وتحدثت مونيا عن رأيها في تعدد الزوجات قائلةً :"هو حر، عايز يتجوز هو حر، وأنا مش ضد تعدد الزوجات، دي بتبقى وجهات نظر وربنا محللك أربعة".
وتابعت: "أنا وافقت جوزي يتجوز عليا بعد تسع سنين جواز، ومراته الجديدة هي اللي موافقتش، ومطلبتش الطلاق، ولكن انفصلنا بعد ما عرفت أنه اتجوز من ورايا وكان في بيبي جاي في الطريق من مراته الجديدة".
واسترسلت :"ولما حصل زعلت زي أي ست هتزعل، وجاتلي صورة ابنه على الواتساب ورحت قلت له مع ألف سلامة، وأنا أتغيرت كنت باخد الصدمة الأول وبعدين أفوق والعياط عندي خلص وأحلى حب في الحياة حبّ الله".
تفاصيل مشاركتها في عائلة الحج متولي
كما تطرقت للحديث عن ترشحها لمسلسل "عائلة الحج متولي" بدور "ألفت" فأكدت أن زوجها السابق ممدوح يوسف منتج المسلسل هو من رشّحها للعمل.
وواصلت حديثها: "بحترم كل الآراء واللي انتقدني وقال عشان مرات المنتج… ولكن أستاذ نور الشريف مبيفوتش شعراية ومافيش حاجة اسمها حد يفرض حاجة على نور الشريف".
وأضافت :"لما دخلت البروفة كنت مرعوبة جداً وكان حلم حياتي أمثّل، ولقيته في البروفة كان قاعد مترقب، المنتج ممدوح يوسف والد أولادي هو اللي رشّحني وقالهم شوفوا مونيا، وأنا بحب التمثيل وبحب الغناء".