"حركة ندالة جدًا منه" بسمة وهبة تعلق على مشهد بكائها بسبب محمد فؤاد

حرصت الإعلامية بسمة وهبة على التعليق على مشهد بكائها في برنامجها "العرافة" بعد غناء الفنان محمد فؤاد لها "طمني عليك"، وذلك خلال لقائها مع et بالعربي.

بسمة وهبة تعلق على مشهد بكائها في العرافة
وخلال اللقاء قالت بسمة :"اللي عمله محمد فؤاد في حلقة العرافة كانت حركة ندالة جدًا منه وكل اللي شغالين في البرنامج لأنهم عارفين أنا نقطة ضعفي ولادي".
وواصلت :"من ساعة ما انفصلت عن والدهم وهما صغيرين وعاشوا معاه في بلد تاني وأنا في بلد وأنا مُت من يومها من غير ما اتدفن وده كان قهر بالنسبالي وعذاب".
واسترسلت :"محمد فؤاد غناها عشان ينكد عليا ويكسرني قبل الحلقة وقالي انتي جاهزة وأنا استغربت، وفي كمية غدر كبيرة في البرنامج ده".
كما تحدثت عن سبب عدم حذفها بعض اللقطات من برنامجها فقالت: اللي بيقول أنا بتدخل في الحياة الشخصية، المفروض الضيف اللي يقول كده، وأي ضيف بيقولي أحذفي الحتة دي بوافق".
وأضافت :"اتحدى أي ضيف يقول إني محذقفتش جزء هو قالي عليه ، لأن أنا كلمتي بتبقى عقد".
وأنهت حديثها لافتةً :"اكتر حلقة اتشال منها حاجات كانت حلقة رانيا يوسف لإنها صريحة جدًا وعلا غانم طلبت حاجات كتير تتشال".

وفي وقت سابق تصدرت الفنانة بسمة وهبة حديث السوشيال ميديا عقب بكائها في برنامج العرافة بعد غناء محمد فؤاد لها أغنية"طمني عليك" وهو ما سبب حزن كبير لها بسبب تذكرها لأبنائها.
وكانت علقت على هذه الوقعة فقالت :"ولادي مش عايشين معايا من صغرهم وكل واحد في بلد .. زمان لما كنت بسمعها مكنتش بضعف كده لكن دلوقت أنا كبرت في السن وبقت مشاعري متستحملش حاجة".