بسمة وهبة فكرت في عدم استكمال حلقة محمد فؤاد ب"العرافة" لهذا السبب

كشفت المذيعة بسمة وهبة أنها فكرت في عدم استكمال حلقتها مع المطرب محمد فؤاد، المقرر عرضها ضمن برنامج العرافة، اليوم الخميس 6 أبريل، بسبب ما وصفته بالتآمر عليها من جانب المطرب وآخرين.
وقالت بسمة في فيديو نشرته عبر انستجرام: "لولا اني بحترم المحطة دي كنت سبت المحطة من اللي عملوه فيا، كان المفروض مكملش الحلقة بس احتراما للمحطة اللي أنا فيها أنا كملت الحلقة"، وعلقت "مش مسامحاك يا محمد يا فؤاد ولا مسامحة كل واحد تآمر معاك عارف نقطة ضعفي"، في إشارة إلى قيام محمد فؤاد بالاتفاق مع أشخاص من فريق البرنامج بتشغيل أغنيته أثناء الحلقة الأمر الذي أثر فيها".
وقبل دقائق من أذان المغرب، فوجئ الجمهور بالمذيعة بسمة وهبة مقدمة برنامج "العرافة" في فيديو ظهرت خلاله متأثرة وتحبس دموعها قبل أن تنهار متأثرة بالأغنية التي تسمعها في خلفية الفيديو للمطرب محمد فؤاد "طمني عليك".
وقالت بسمة "بص يا محمد يا فؤاد أنا بجد مش مسامحاك ومتشكرة ليك لان الأغنية بقيت اسمعها وعايزة أقول للسادة المشاهدين أن أغنية ممكن تكسر البني آدم من جوة، وتحسسه بحزن شديد، زمان الأغنية دي لما تشتغل مكنتش بحس بالضعف ده ولا بكسرة القلب ده والحزن ده لكن أنا كبرت في السن، كل ما أكبر كل ما مشاعري بتكبر".
وتابعت "بحب ولادي وواحشني، بحلم اني اشوفهم وسعيدة لما بشوفهم، مش مسامحة انك اتكيت على الحتة دي ودموعي تنزل مش هو ده الصح زعلانة منك، مدربة نفسي، الاغنية شغالة، كلمات الأغنية صعبة للي مفتقد شخص، ولادي لما بيوحشوني بروح على صورهم واشوفها عشان تصبرني وانا ولادي مش عايشين معايا من صغرهم كل واحد في بلد، انا كبرت وعرفت دلوقت اني كبرت لان مشاعري مش بتتحمل، بيوحشوني أكتر من الأول وبشتاق لهم اكتر من الاول ونفسي أعيش معاهم اكتر من الاول".
برنامج العرافة يُعرض في رمضان 2023، واستضافت خلاله بسمة وهبة عددا كبيرا من نجوم الفن منذ انطلاق الشهر الكريم.
اقرأ أيضا:
بسمة وهبة تنهار: مش مسامحة محمد فؤاد وكل واحد تآمر معاك
ملوش علاقة بالطرب.. رامز جلال يسخر من أمير عيد
"الكبير أوي 7".. جوني يختار "العترة" لبطولة مسرحية
رامز جلال يسخر من أمير عيد: جاستن بيبر العباسية
View this post on Instagram
A post shared by Basma Wahba (@basma_wahba)