شيخ العرافين يكشف زواج ثاني ل حسن شاكوش.. وزوجته تهدد بالإنفصال!

مشادة كلامية حدثت بين مطرب المهرجانات حسن شاكوش وشيخ العرافين ببرنامج "العرافة" مع الإعلامية بسمة وهبة، بسبب إتهام الأخير للفنان حسن شاكوش بزواجه من أخري.

تفاصيل المشادة الكلامية بين حسن شاكوش وشيخ العرافين
تحدث شيخ العرافين خلال الجزء الثاني من حلقة الفنان حسن شاكوش أن عن زواج الفنان من أخري غير زوجته ريم فقال :"مين اللي جابله السلسلة اللي لابسها، طيب وفيلا التجمع والعربية، والكلب الدهب مين اللي جايبهولك.. حسن متجوز زوجة ثانية".
ورغم نفي حسن شاكوش لهذا الكلام إلا أنه زوجته ريم ردت بعبارات "خلاص يا جماعة موضوعي انتهى" مشيرة لإنهاء زواجها من حسن شاكوش.
حسن شاكوش في العرافة
تصريحات حسن شاكوش عن تكاليف حفل زفافه
وفي سياق متصل، كان الفنان حسن شاكوش قد تحدث عن تكلفة حفل زفافه قائلا ً :"أنا كنت في البرنامج بتكلم على فرحي أنا مصرفتش على الفرح بس أنا بتكلم أي عريس وعروسة بيتكلفوا تكلفة ومصاريف من أول الجواز وده اللي اقصده تجهيز بيت وعفش في ناس قالت 4 مليون جنيه جبتهم منهم".
وواصل حسن شاكوش حديثه :" في أفراح بس بتتكلف ملايين غير البيت والعفش أنما أنا الفرح كله ببيتي وعفشي بالدهب بسفرية لشرم الشيخ اتكلف 400 مليون، وفي شباب كتير مش شغالة ومش معاها فلوس تتجوز ولو شاب بسيط وعايز يتجوز ويجب شقة وعفش ودهب أقل حاجة 600 ألف جنية عشان الدنيا غلت على الكل وفي العالم كله".
واسترسل حسن شاكوش :"أنا كمطرب لو فيا هموم الدنيا بيطلع على الاستيدج بيضحك في وش الناس ويرقص معاهم لان ده شغلي ومينفعش ادخل المشاكل الشخصية في شغلي".
كما تحدث عن مجاملة أصدقائه في الوسط الفني له فقال :"ربنا عالم بحالي ومفيش مطرب خد جنيه في فرحي وكله جه يجاملني لأننا أخوات وفي مجال واحد وكله جه بالحب، وأحمد عصام عامل معايا واجب وواخد فلوس رمزية في فرحي عشان يجاملني".