البلوجر سارة محمد تصدم جمهورها بعد إعلان فقد بصرها بشكل نهائي

حالة حزن كبيرة سادت علي مواقع التواصل الإجتماعي بعد إعلان البلوجر سارة محمد فقد بصرها بشكل نهائي، عقب إجراء أخر محاولة لها من خلال عملية دقيقة خضعت لها في الساعات الماضية.

سارة محمد تفقد بصرها
وأعلنت الصفحة الرسمية لصفحة البلوجر سارة محمد عبر "إنستجرام" عن تفاصيل فقدانها لبصرها بمنشور مكتوب فيه :"سارة فقدت آخر أمل كانت متمسكة به للأسف النتيجة النهائية سارة فقدت بصرها اللهم لا نسألك رد القضاء ولكن نسألك اللطف فيه".
وكتبت في منشور آخر :"سارة فقدت آخر أمل ليها.. وعد مني ليكي يا سارة قدام ربنا هفضل الأخ والصاحب والسند ليكي ومفيش يوم هتخلى عنك فيه واحنا موجودين وأهلك وأصحابك موجودين هنكون نور عينك وهنحاول نعوضك عن كل حاجة قد الإمكان والله وربنا يقدرنا يارب ويصبرك".

تفاصيل عملية سارة محمد
وكان قد كشف تفاصيل عملية البلوجر سارة أحد أصدقائها فقال عنها :"آسف أني مطمنتكمش أول ما استلمنا الأشعة، للاسف الموضوع مكنش مطمئن نهائي ولسه مش مطمئن خالص بصراحة، الدكتور قرر أنه هيعملها العملية ونسبة نجاحها أقل من 5%.. كل اللي علينا دلوقتي واللي نقدر عليه أنه ندعيلها ونكثفلها في الدعاء، ادعوا يا جماعة ادعوا".

حادثة البلوجر سارة محمد
وخلال الأيام القليلة الماضية، تصدرت البلوجر سارة محمد محركات البحث عبر جوجل بعد تعرضها لحادث إطلاق نار من جانب بلطجية ما أدى إلى فقدانها البصر، وروت البلوجر سارة تفاصيل الحادث فقالت :كنت مع خطيبي وقت وقوع الحادث وكان اليوم يسير بشكل طبيعي، وروحت معاه محطة الرمل ووقفنا في كارفور شوية احنا ساكنين في طريق القاهرة إسكندرية الصحراوي ناحية زاوية عبد القادر".
وأضافت :"واحنا ماشيين كان في عربية حاولت إيقافنا وزنقت علينا، وأنا بصيت كده عليهم وقلت لخطيبي أجري أوعى تقف ليهم، وبعدين واحنا على الطريق الصحراوي اقتربت منا سيارة، ونظرت إليهم ووجدت بعض المجهولين حاملين الأسلحة، ثم أصيبت في رأسي وقولتله بعدها أوعى تقف، وحسيت بصفارة في ودني ومن بعدها محستش بحاجة".