تامر حسني يدعم البلوجر سارة بعد فقدانها البصر بكلمات مؤثرة.. شاهد

حرص الفنان تامر حسني، علي تقديم الدعم للبلوجر سارة محمد، التي تعرضت لحادث مأسوي فقدت على إثره بصرها، وذلك عبر حسابه الرسمي علي موقع التغريدات القصيرة "تويتر".

تامر حسني يدعم البلوجر سارة
فطلب الفنان تامر حسني من جمهوره الدعاء للبلوجر سارة في محنتها قائلاً :"معرفش الكل يعرف قصة ساره او لاء بس سهل اوي للّي ميعرفش انه يعرف .... بحق الليله الفضيله دي يا ساره ليلة النصف من شعبان ربنا يكرمك و ميعديش بكرا الا و انتي سامعه خبر جميل يطمنك ان عينك هترجع تاني ان شاء الله ادعوا معايا يا جماعه انا متفائل خير ليها اوي".
وواصل تامر حسني حديثه :"وكل الشكر لموقف ريهام سعيد معاها من اول المحنه اللي بعون الله ساره بقوتها و ايمانها بربنا هتخليها (منحه) وكل الشكر للفنانين الطيبين ولاد البلد الجدعان اللي اهتموا بيها سعد و شيبة و انا قريب ان شاء الله هاجيلها و كل الشكر للناس الجميلة اللي بيروحولها اسكندريه يهونوا عليها .... دعوات الكل اليوم ده مهمه اوي يارب يارب تفرح قلبها و تشفيها و تهون عليها و تفرحنا بأجمل خبر ليها يارب يارب يارب تشفيها و تشفي كل مريض اللهم آمين".

حادثة البلوجر سارة
وخلال الأيام القليلة الماضية، تصدرت البلوجر سارة محمد محركات البحث عبر جوجل بعد تعرضها لحادث إطلاق نار من جانب بلطجية ما أدى إلى فقدانها البصر، وروت البلوجر سارة تفاصيل الحادث فقالت :كنت مع خطيبي وقت وقوع الحادث وكان اليوم يسير بشكل طبيعي، وروحت معاه محطة الرمل ووقفنا في كارفور شوية احنا ساكنين في طريق القاهرة إسكندرية الصحراوي ناحية زاوية عبد القادر".
وأضافت :"واحنا ماشيين كان في عربية حاولت إيقافنا وزنقت علينا، وأنا بصيت كده عليهم وقلت لخطيبي أجري أوعى تقف ليهم، وبعدين واحنا على الطريق الصحراوي اقتربت منا سيارة، ونظرت إليهم ووجدت بعض المجهولين حاملين الأسلحة، ثم أصيبت في رأسي وقولتله بعدها أوعى تقف، وحسيت بصفارة في ودني ومن بعدها محستش بحاجة".