لماذا عمل جميل راتب «جرسون وشيال» رغم يسر حالته المادية؟

في حوار سابق للفنان الراحل جميل راتب، كشف الفنان عن السر وراء سفره لفرنسا وعمله في الأعمال البسيطة رغم نشأته في أسرة أرستقراطية وعدم حاجته للمال.

سبب عمل جميل راتب في الأعمال الفنية البسيطة
فروي الفنان جميل راتب السر وراء عمله في الحرف البسيطة فقال :"أنا كنت رايح فرنسا ادرس قانون وأول ما وصلت سيبت القانون ورحت ادرس تمثيل فبعد وقت معين العائلة منعت عني المصروف ومباقوش يبعتولي فلوس عشان ارجع عن التمثيل يعني هما افتكروا ان ده هيرجعني وهيخليني انسى التمثيل بس انا مرجعتش وكملت فاضطريت اشتغل عشان أعيش".
وتابع جميل راتب حديثه :"أشتغلت كل حاجة تقريبا ومن الأعمال المهمة جدا اللي أشغتلها هي إني أشتغلت شيال في سوق الخضار في فرنسا لاني اتعرفت على مجموعة من الناس وشريحة من المجتمع مكنتش هعرفها خالص وانا عايش في الطبقة الأرستقراطية اللي نشأت فيها ، مكنتش هعرفهم غير في الفرصة دي، فتحت في دماغي أبواب كبيرة لان كلنا كنا بنشتغل وبنكافح لهدف واحد بس اننا ناكل مش أكتر من كده".
ولفت جميل راتب :"كانوا ناس مقبلين على الحياة وعلى شغلهم وبيهتموا بإتقانه والتفكير فيه رغم أنها شغلانة ملهاش أي مستقبل كل اللي تقدر تجيبه منها هو أكل يومك فقط فمكناش بنبص لبكرة كل تفكيرنا في النهاردة بس".
وأختتم جميل راتب حديثه :" لقيت نفسي في مستوى غير اللي كنت متوقع أبقى فيه بس ده سمحلي إني أنظر للمجتمع بطريقة جديدة واحترم أي حد بيشتغل أي عمل مهما كان بسيط ولغاية دلوقتي بحترم جدا اللي بيشتغلوا في الأعمال البسيطة سواء في فرنسا او في مصر أو في أي بلد وبحترم فكرة الشغل نفسها، حتى لو من أجل الأكل فقط وحبيت الناس اللي اشتغلت معاهم وبفتخر دايما إني كنت واحد منهم".

وفاة جميل راتب
يذكر أن الفنان جميل راتب قد توفي في سبتمبر من عام 2018 عن عمر ناهز 92 عاما، وكان قد أوصى بدفنه في مصر، ورغم وصيته بأن تقام له جنازة فقط، وألا يقام له عزاء، إلا أن نقابة المهن التمثيلية أقامت عزاء له حضره عدد قليل منهم الفنان أشرف ذكي.