شيرين رضا تروج لفكرة الصداقة بين الرجل والمرأة.. ماذا قالت؟

تحدثت الفنانة شيرين رضا عن رأيها في علاقة الصداقة بين الرجل والمرأة، مؤكدة أنها تؤمن بها بشكل كبير، وذلك خلال لقائها مع الإعلامي أنس بوخش، ببرنامج ab talks.

رأي شيرين رضا في الصداقة بين الرجل والمرأة
فكشفت شيرين رضا عن رأيها في الصداقة بين الجنسين فقالت:"أؤمن بالصداقة بين الجنسين، كنت محظوظة جدًا بعلاقات الصداقة مع الرجال، عندي صديقي من لما كان عندي 11 سنة، ولسه لغاية دلوقتي أصدقاء، ومرينا بكل حاجة مع بعض في حياتنا".
وواصلت شيرين رضا :"وأظن أن الناس مش متقبلة الفكرة دي، عشان بيبصوا للفكرة على أنها رجل ومرأة وليس كشخصين، أو صديقين.. لازم نلغي فكرة النوع، ونكون بس أصدقاء، وكان صعب جدًا في منطقتنا أن الكبار يفهموا دا عشان مكبروش على الطريقة دي، ودلوقتي الموضوع بقى سهل، ومقبول".
وتابعت شيرين رضا: "وأنا أهلي كان مخهم متفتح، وأنا اتعلمت الكلام دا منهم، أني أبص للناس كبشر، مش أبص ليهم من الناحية الجمالية أو المادية".

علاقة شيرين رضا الوطيدة بوالديها
وفي الحلقة ذاتها تطرقت الفنانة شيرين رضا للحديث عن علاقتها بوالديها في مرحلة الطفولة فقالت: "طفولتي كانت رائعة، ومطلبتش أحسن من كدا، أو ممكن أكون طلبت يكون عندي أخ أو أخت، عشان كنت طفلة وحيدة.. اتولدت بعد جواز والدي ووالدتي بست سنين، ووالدي كان عايز بنت.. ولما اتولدت استمتعوا بيا وخلوني استمتع بطفولتي".
وأضافت شيرين رضا: "سافرت في كل مكان، والدي اتعود ياخدني في الإجازات، أنا وهو نسافر لوحدنا، ومتكلمش معايا أبدًا كطفلة، كان عايزني أخد تجارب كتيرة واستخدم عقلي ومعتمدش عليهم، ودفعني عشان أكون مستقلة بذاتي".
وأختتمت شيرين رضا :"دور أمي كبير أوي في حياتي، لأنها كانت بتخاف عليا أوي، كانت مجنونة بكل حاجة تتعلق بيا.. ودايما بول ياريت أبويا وأمي كانوا جابولي إخوات، كان نفسي حد يشاركني كل حاجة بتحصل".

آخر أعمال شيرين رضا
علي الجانب الآخر يذكر أن آخر أعمال الفنانة شيرين رضا هو مشاركتها في مسلسل"وبينا ميعاد"، مع عدد من نجوم الفن أبرزهم: صبري فواز، مدحت صالح، وفاء صادق، محمد سليمان، بسمة، يوسف الكدواني، أسامة الهادي، والعمل من تأليف وإخراج هاني كمال.