أحمد سعد رقم 2 على يوتيوب ب قادر أكمل.. تعرف على كلماتها

تصدر الفنان أحمد سعد تريند رقم 2 علي اليوتيوب بأغنيته الجديدة "قادر أكمل" الذي طرحها أمس الثلاثاء بالتزامن مع عيد الحب وذلك عبر قناته الرسمية على موقع الفيديوهات الشهير "يوتيوب".

أغنية قادر أكمل
وأغنية "قادر أكمل" هي من كلمات أمير طعيمة، وألحان محمد عاطف الحلو، وحرص الفنان أحمد سعد علي الترويج لها عبر حسابه الرسمي بموقع
"إنستجرام"، إذ كتب: "ايوة بسببك قادر اكمل.. وقت ما بتعب ليكي بروح قادر اكمل دلوقتي علي يوتيوب".

كلمات أغنية قادر أكمل
وفيما يلي نستعرض لكم كلمات الأغنية:
أيوه بسببك قادر أكمل وقت ما بتعب ليكي بروح لما بِبان الدنيا تقفل حضنك آخر باب مفتوح ياللي عيونك وقت ما بغرق بالنسبالي دي مركب نوح إنتي الحته الحلوه ف قلبي ببقى ف قربك مش قلقان
إنتي حبيبتي وأمي وبنتي وماليش بعدك تاني مكان حببتيني ف أيام عمري رجعتيني لنفسي زمان وأنا بين إيديكي إحساسي بيكي لو قلت ليكي مابيتحكيش جيتي وبقيتي أهلي وبيتي لو يوم مشيتي إزاي هعيش
عمرك لحظه ما نزلتيني لأ بالعكس أنا بيكي عليت ولا بعتيني ولا خذلتيني وبتديني أكتر ما إديت قبل ما بندهلك بتجيني ضهري وسندي لو إتهزيت
نصي التاني إللي بيفهمني قبلك عمري ماهوش محسوب حبك هو إللي مكملني من نقصي ومن أي عيوب إحساس بأمان بيطمني وسط حياه مليانه حروب
وأنا بين إيديكي إحساسي بيكي لو قلت ليكي آه مابينتهيش جيتي وبقيتي أهلي وبيتي لو يوم مشيتي إزاي هعيش.

أحمد سعد يتحدث عن منافسته لمحمد رمضان
وفي سياق مختلف، يذكر أن الفنان أحمد سعد قد تحدث عن رأيه في الفنان محمد رمضان ومصطلح نمبر وان فقال: "مش بيقول لحد معين ده أسلوب في الأغنية انك تقول إن مفيش زيي، لكن هو مش بيقول كدة في الحياة العادية".
وأضاف أحمد سعد: " الناس بتحب تعمل أكشن لكن ده مش حقيقي لأن أنا مش شايف حد نمبر وان أكبر مني أو أعلى مني مفيش حد فوق وأنا تحت، أنا موهوب في حتة والتاني موهوب في حتة تانية".