أعلن الفنان رامي صبري إجرائه عملية في عينه، من خلال حسابه الشخصي بموقع تبادل الصور والفيديوهات "انستجرام".
كتب رامي، ":" صباح الخير عليكم..امبارح عملت عمليه Femto LASIK والحقيقه اني بقالي سنتين خايف جدا جدا اني اعملها . ولكن بعد ما قررت واخدت القرار الصعب ده الحمدلله عملتها وكانت سهله جدا عكس ما كنت فاهم وعدت علي خير".
أضاف، "بقول لكل الناس وكل زمايلي اللي عندكم مشكله في النظر اعملوها عمليه سهله وبسيطه جدا وبترجع تشوف كويس زي الاول واحسن".
وكان انتهى المطرب رامي صبري من تسجيل 3 أغانى جديدة تعاون فيهم مع الكاتب تامر حسين والملحن عزيز الشافعى بالإضافة إلى كل من: تميم وطارق توكل وأحمد حسين ومدين والأغانى بعنوان "أنت الأصل ، بتفتكرنى ساعات ، حبينا واتحبينا ".
على جانب آخر، يتعاون تامر حسين مع رامي صبري لأول مرة بعد الخلافات التي دارت بينهما مؤخرا وانتهت في أعقاب وفاة كريم شقيق الفنان رامي صبري.
حيث وجه الشاعر الغنائي تامر حسين رسالة للفنان رامي صبري الذي ودع شقيقه كريم وعبر حسابه على "فيس بوك"، كتب تامر حسين "صديقى وأخى الغالى رامي صبري أنا عارف زعلك وحُزنك على كريم الله يرحمه ويعوضكم بكُل الخير وعايزك تهرب من زعلك ده بالشغل والنجاح ماتستسلمش كريم كان شايفك مثل أعلى ومتشرف بنجاحك دايماً عايزك أنجح واحد خُد وقتك بس إرجع".
أضاف، "كمل يارامى بعد العيد انا عارف كمية المُناسبات اللى إنت لغيتها ومقدر بس لازم نقف على رجلينا ماحدش بيغير قدره ياصديقى وبعدين احنا كلنا إخواتك وضهرك وسندك".