قال يحيى فؤاد، استشاري علاقات أسرية، إن العلاقة التي يطلق عليها "توكسيك" أو علاقة سامة هى التي يقع فيها أذى نفسي على أحد الطرفين.
وتابع "فؤاد"، خلال حواره في برنامج "صباح البلد"، المُذاع على فضائية "صدى البلد"، إن الشخص الذي يقع عليه الأذى هو الذي يذهب للعلاج ليس الشخص المؤذي.
إطلاق الصفات على الناس بدون تشخيص من مختص أمر خاطئ
وأوضح أن مواقع التواصل الاجتماعي جعلت الناس يطلقون على بعضهم الصفات مثل" نرجسي، مريض نفسي، توكسيك" وغيرها، وهذا غير صحيح لان هذه الصفات لا تطلق على الشخص بدون تشخيص من متخصص.
وأضاف: "مينفعش أشوف شخص زعلان شويه أقوله أنت عندك اكتئاب، لان الكلام بيأثر نفسيًا على الشخص، وممكن يكتئب من كلامك".
ضرورة اللجوء إلى المختصين عند وقوع مشاكل في العلاقة
وشدد على ضرورة اللجوء إلى المختصين عند وقوع مشاكل في العلاقات، متابعًا: "النهارده لو في اتنين عايشين مع بعض وفي مشاكل بينهم ربنا قال أسألوا أهل الذكر، مينفعش أروح أسأل بابا أو ماما أو صحابي، لاننا بنسأل على علاقة فيها انهيار أو انفصال أو مشاكل، والنصايح الغلط ممكن تدمر البيت".
واستكمل: "الستات دايما يشتكوا لأهلهم أو أصحابهم أو على السوشيال ميديا، ممكن ينصحوها نصيحة تخرب بيتها، لان أي شخص ممكن تسأليه سؤال إجابته الصبح هتختلف عن إجابته بالليل حسب المود، لو حد عايش مع شخص بيأذيه نفسيًا لازم نوصل احنا الاتنين لحد يحل مشاكلنا، لان كل واحد بيكون شايف من وجهة نظره أنه هو اللي صح، وكل واحد فيهم بيبقى عنده مشكلة، ولازم كل واحد يبص على نفسه، والجدل في النقاش اللي فيه اتنين شايفين نفسهم صح ملوش نتيجة، لازم يروحوا لمتخصص لو العلافة فيها آذى".