أثار الفنان تامر حسني، الجدل بسبب انتشار صور له عبر مواقع التواصل الاجتماعي وهو يقلد عدد من الشخصيات المعروفة منها مصطفى قمر وبهاء سلطان وعبد الباسط حمودة مما أثار حيرة الجمهور.
وكان أعلن الفنان تامر حسني، عن طرح أحدث أغانيته بعنوان "هتجوزك"، من خلال حسابه الشخصي بموقع "فيس بوك".
كتب تامر، "بما أنكم كل شويه تحطولي صورة عمر وسلمى 2 بتاعة مشهد فين الساعة، وتقولولي فين حياتنا و هتجوزك.".
أضاف، "تأخير أغنية حياتنا حصل بسبب أن الأغنية فيها أجزاء شبه أحداث الفيلم وأجزاء بتتكلم عن الدنيا وحياتنا بشكل عام عشان كده استخدمنا أجزاء منها فقط في فيلم بحبك".
تابع، "المهم بقى بما أنكم عايزينها كاملة روحت المونتاج والأستاذ عمرو عاكف مشكور فضى وقته ورجع أشتغل فيها تاني عشان خاطركم هنزلهالكم كامله أن شاء الله النهارده الساعة 4".
خلاف تامر حسني وبسمة بوسيل:
على جانب آخر، أثارت الفنانة المغربية بسمة بوسيل، الجدل بعلاقتها بالفنان تامر حسني من خلال ستوري لها عبر حسابها الشخصي بموقع تبادل الصور والفيديوهات "انستجرام".
كتبت بسمة، فيها: "عديت الكدب والخيانة لكن متوصلش لأهلي كدا كفاية".
وحذر الفنان تامر حسني، من المكاتب التي تستغل اسمه لعمل مقابلات لاختيار مواهب للتمثيل.
كتب تامر، عبر حسابه الشخصي بموقع تبادل الصور والفيديوهات "انستجرام"، "مساء الهنا، بالنسبه للمواهب اللي طلبتها محدش يروح يعمل أي مقابلات في أي مكتب بإسمي ، انا طلبت ڤيديوهات فقط و الڤيديوهات بتجيلي كل يوم ، محدش يروح أي مشوار لاي مكتب تحت اسمي".
أضاف تامر، "اللي هيتم اختيارهم للمقابلة هتكلمهم مخرجة الفيلم استاذة سارة وفيق بشكل مباشر وأي مكتب عايز يرشح حد بيبعتلي ڤيديو بيعرض موهبته. يعني محدش يصدق اي حد يقوله تعالى عشان هتقابل تامر او المخرجه تاني الاستاذه ساره هتكلم اللي اختارتهم بنفسها عشان يحضروا المقابله الاولى".