تصدرت منى فاروق، محركات البحث خلال الساعات الماضية، بسبب إثارتها للجدل كالمعتاد، وذلك بعد الهجوم عليها من قبل متابعين بسبب ظهورها بفستان صيفي جرءئ.
ووصف المتابعين، الفستان ب"قميص النوم"، من شدة جرأته، وانهالت عليها التعليقات السلبية، مطالبين إياها بمحاولة الاحتشام، وردت عليهم منى، وقالت: "ليه بتخوضوا في عرضي؟".
وردت أيضًا منى فاروق على هذه الانتقادات من خلال منشور عبر خاصية استورى على حسابها الشخصى على إنستجرام قائلة: "انتوا مزعجين جدا بس أنا ولا فارق معايا كلامكم، أنا بعامل ربنا مش بعامل البشر، بجد حسبى الله ونعم الوكيل في كل الناس اللي بتكتب عني بالكذب، أنا في الأول والأخير بنت بتتكلموا في عرضي ليه؟ خافوا ربنا شوية.. ربنا موجود وهيعوضنى خير.. وأنا في حماية ربنا".
انفعال منى فاروق على المتابعين
وكانت منى فاروق قد خرجت مؤخرا في فيديو عبر خاصية استوري على حسابها الشخصي على إنستجرام، هددت خلاله بمقاضاة من يخوضون في سيرتها بكلمات غير لائقة قائلة: "هاي صباح الخير.. أنا عايزة بس أقولكم على حاجة مهمة.. أي حد بينقدني أو أي حد بيقول عني أي حاجة غير لائقة أنا هقاضيه، يالا بقا نعيش مع بعض شوية، إحنا في بلد بتحترم الناس، إحنا في مصر أم الدنيا، لازم يكون فيه احترام، واللي يكتب أبواب جهنم مفتوحالك.. مين إنت علشان تحكم عليا إني هدخل جهنم؟، خلاص هتجلدني يعني؟ حطيت نفسك مكان ربنا؟".
واختتمت حديثها: «"لناس بتقول كانت بتطلع تعيط ودلوقتي عايشة حياتها.. إنت مالك برضو.. حياتي أنا حرة فيها.. أنا عندي اللي شغال على توك توك أحسن من الراجل اللي بيتكلم في عرض ست، هتروحوا فين من ربنا ياللي بتتكلموا في عرض ولية.. شوفولكم شغلانة تانية وسيبوا اللت والعجن ده للستات".
رد فعل شقيق منى فاروق
وانفعلت منى، في لايف عبر حسابها على انستجرام، على متابع تجاوز معها وجعلها ترد قائلة: "انا كنت متجوزة وانفصلت، وأي حد هيتطاول معايا أو يشتمنى هيتجازى قانونيا، ملكوش دعوة بحياتي خليكوا في حالكم انا مبخافش، واللي بيقولو عني كلام وحش هتروحوا النار".
وبعد هذا الجدل وجه شقيق منى فاروق، رسالة دعم مهمة لها من خلال ستوري حسابه على إنستجرام، وكتب: "ستفغلي أشياء كبيرة".