«حرام تتكلموا في عرضي».. منى فاروق تتصدر التريند من جديد

تصدرت الفنانة منى فاروق محركات البحث خلال الساعات الماضية بعد الهجوم عليها من قبل متابعين بسبب ظهورها بفستان صيفي جرئ وصفه البعض ب «قميص النوم».
وردت الفنانة منى فاروق على هذه الانتقادات من خلال منشور عبر خاصية استوري على حسابها الشخصي على إنستجرام قائلة: «انتوا مزعجين جدا بس أنا ولا فارق معايا كلامكم، أنا بعامل ربنا مش بعامل البشر، بجد حسبي الله ونعم الوكيل في كل الناس اللي بتكتب عني بالكذب، أنا في الأول والأخير بنت بتتكلموا في عرضي ليه؟ خافوا ربنا شوية.. ربنا موجود وهيعوضني خير.. وأنا في حماية ربنا».
وكانت منى فاروق قد خرجت مؤخرا في فيديو عبر خاصية استوري على حسابها الشخصي على إنستجرام، هددت خلاله بمقاضاة من يخوضون في سيرتها بكلمات غير لائقة قائلة: «هاي صباح الخير.. أنا عايزة بس أقولكم على حاجة مهمة.. أي حد بينقدني أو أي حد بيقول عني أي حاجة غير لائقة أنا هقاضيه، يالا بقا نعيش مع بعض شوية».
وأضافت: «إحنا في بلد بتحترم الناس، إحنا في مصر أم الدنيا، لازم يكون فيه احترام، واللي يكتب أبواب جهنم مفتوحالك.. مين إنت علشان تحكم عليا إني هدخل جهنم؟، خلاص هتجلدني يعني؟ حطيت نفسك مكان ربنا؟».
واختتمت حديثها: «الناس بتقول كانت بتطلع تعيط ودلوقتي عايشة حياتها.. إنت مالك برضو.. حياتي أنا حرة فيها.. أنا عندي اللي شغال على توك توك أحسن من الراجل اللي بيتكلم في عرض ست، هتروحوا فين من ربنا ياللي بتتكلموا في عرض ولية.. شوفولكم شغلانة تانية وسيبو اللت والعجن ده للستات».