أصدرت نقابة المهن الموسيقية بيانا صحفيا للتعليق على الشائعات المتتشرة حول سلامة المطربة المعتزلة آمال ماهر.
وجاء في البيان: "تهيب نقابة المهن الموسيقية بجمهور الفنانه آمال ماهر ومحبيها عدم الإنخراط وراء الشائعات التي انتشرت مؤخرا علي كافة وسائل التواصل الإجتماعي".
وتابع البيان، "وتواصلت نقابة المهن الموسيقية مع أسرتها وأكدت عدم صحة هذه الشائعات تماما وأوضحوا أن النجمة آمال ماهر تعيش حياة هادئة بين أسرتها، وأكدت النقابة أنها لم تكن نقابة المهن بعيدة عن أي من أعضائها في سرائه أو ضرائه وأنها دائما سند لكل أعضائها".
كشف الصحفي هاني عزب، عن حقيق اختفاء الفنانة آمال ماهر، من خلال حسابه الشخصي بموقع "فيس بوك"، فكتب: "
كل المقربين من المطربة أكدوا إنها كويسة وبخير وبتعيش حياتها بشكل طبيعي.. يعني هي شايفة التفاعل اللي حاصل وأسئلة الناس وردت من خلال صفحتها الرسمية بسكل غير مباشر . الناس برضه شككت في البوست اللي نزلته المطربة.. ومرة يقولوا صور قديمة ومرة بيقولوا ازاي يتعمل Sponsor ".
أضاف، "طب بالعقل صفحة مش بتنزل حاجة يعني مفيش تفاعل.. الطبيعي ان يتعمل Sponsor عشان يوصل لاغلب الناس سواء اللي في صفحتها او خارجها وكل الفنانين أو بشكل ادق بعضهم بيعملوا ده. الناس عمالة تشكك في كل حاجة ويقولوا طب تطلع في لقاء او لايف او مداخلة.. طب مبدئياً المطربة مقاطعة كل وسائل الإعلام من زمان مش من دلوقتي او خلال السنتين الآخيرة مثلاً".
تابع، "بالنسبة لأي صحفي فن أو الغالبية معندوش تواصل مع المطربة بسبب بعدها عن الميديا من زمان مش دلوقتي بس وبالتالي مفيش اي تواصل بناء علي رغبتها. الموضوع ده اتكرر بحذفيره من فترة معاها وطلعت وظهرت عادى ولما عملت حفلة نفس الناس اللي بتطالب بظهورها هي اللي كانت بتنتقد الحفلة وانها كانت ضعيفة فنياً في الحفلة دي. المهم ان كل اللي بيتكتب علي السوشيال ميديا كلام مالهوش اي علاقة بالواقع أصلا".