تعليق مفاجئ من عمر كمال بعد انتقاد الجمهور له: ممكن أخش النار

علق مطرب المهرجانات عمر كمال، على الهجوم والانتقادات التي تعرض لها مؤخرًامن قبل جمهوره، بعد إحياءه حفلًا غنائيًا بمدينة الرياض بالمملكة العربية السعودية يوم الجمعة الماضي، إذ ظهر إلى جواره على المسرح مجموعة من راقصات الاستعراض.
كتب عمر، عبر حسابه الرسمي بموقع "فيس بوك"، "أنا طلعت لقيت جوايا حب لحاجة أسمها غنا.. سعيت ف السكة ديه وربنا سبب الأسباب والدنيا مشيت معايا ورزقنى من وسع بعد ضيقة وتعب.. ممكن أكون صح وبعمل خير وممكن أكون غلط وهخش النار".
أضاف، "ده موضوع هنعرفه ف الاخرة لما نقف قدام ربنا.. لكن أنا لا أخدت رزقك.. ولا سرقتك.. ولا أذيتك.. ولا أنت كنت طالع منحة دراسية بلد أوروبية وأنا طلعت بدالك.. ولا انا أخدت مكانك ف شغل أو مرتب أو ترقية ف أي حاجة".
تابع، "أنا أخترت طريق ومشيت فيه وبس.. فا الدنيا مش مستاهلة أنك تهينى وتشتمنى.. ممكن تتابعني لو شايفنى بقدم حاجة تبسطك وتغير المود بتاعك للأحسن.. وممكن متابعنيش لو شايفنى مش بقدم أي حاجة مهمة ف الحياة.. بس متأذنيش بكلامك عشان أنا بنى أدم زيك بحس وبزعل وليا أم وأهل أهانتك ليا بتزعلهم"
اخبار الفنالسعوديةعمر كمالموسم الرياض