حمو بيكا: "عمري ما أنكرت إني جاهل ومش متعلم.. ولكن ماكنش بإيدي"

قال مطرب المهرجان حمو بيكا، على صفحته الرسمية على "فيسبوك"، موجها حديثه للمنتقدين له، قائلا: "بتقولو عني جاهل ومش متعلم.. مع ان دي حاجة، أنا عمري ما انكرتها ولا حتي خبيتها علي الناس".
وتابع: "ومن يوم ما ربنا كرمني واتشهرت وبقي ليا جمهور، بس هرجع واقولكم تاني انها حاجة مكنتش بايدي".
واستكمل: "انت بقي يا "متعلم "، التعليم علمك انك تقعد تعاير الناس بعيوبها؟، التعليم علمك ان تفضل تتنمر علي خلق الله ؟، التعليم علمك انك مباح ليك الشتيمه في حد هو اقل منك في شئ؟".
ورد قائلا: "اكيد لا فمتجيش من ورا شاشه وكيبورد تعمل فيها عم الناصح، وانت اصلاً موركش حاجة تعملها !، انا متعلمتش ومنولتش الشرف الكبير ده، بس اتعلمت حاجات كتير في الدنيا انت متعلمتهاش لسه".
وأضاف: 'اتعلمت احترم الكبير والصغير .. اتعلمت اشقي واتعب من صغري اتعلمت اني مغلطش في حد .. اتعلمت حاجات كتير جداً في حياتي انت عمرك مهتتعلمها طول ما انت باصص للناس ..!".
واختتم: "فكر في كلامك كويس وكومنتاتك كويس قبل ما تكتبها، وقبل ما تقول انك متعلم افتكر انك في "تربيه وتعليم" يعني التربيه قبل التعليم".

تابعنا علي اخبار جوجل