نقابة المهن التمثيلية تفجر مفاجأة عن الحالة الصحية لياسمين عبد العزيز

كشف الدكتور أشرف زكي، نقيب المهن التمثيلية، عن الحالة الصحية للفنانة ياسمين عبد العزيز، بعد اجرائها عملية جراحية حيث قال: "منعرفش عنها حاجة ونتمنى تكون جراحة بسيطة".
أضاف زكي، خلال التصريحات الصحفية، "محدش اتواصل مع أحمد العوضي".
جدير بالذكر أعلن الفنان أحمد العوضي أمس خضوع الفنانة ياسمين عبد العزيز لعملية جراحية طالبا من الجمهور الدعاء لها.
كتب العوضي، عبر صفحته الرسمية بموقع "فيسبوك": "يمكن ببان قدامكم دايما قوي.. لكن الحقيقة أنا دلوقتي أضعف إنسان على وجه الأرض عشان أنا روحي مش معايا.. أنا ضعيف جدا من غيرك أنتي لازم تبقي كويسة ولازم تقومي بالسلامة.. أنا لأول مرة أكتب من غير ما أكون مفكر أنا بكتب إيه وهكتب إيه.. بس أنتي هتقومي إن شاء الله بإذن الله عشان أنتي وعداني وعد وهتتفذيه".
أضاف، أنا عاوزك تبقي كويسة وتقومي عشان أقولك إني لو كنت ببينلك إني بحبك مرة فالحقيقي واللي جوايا إني بحبك ألف مرة.. وأنا دلوقتي مش قوي زي ما أنتي بتشوفيني، أنا دلوقتي ضعيف ضعيف جدا.. لحد ما تقوميلي تاني عشان زي ما أنتي بتاخدي قوتك مني أنا كمان باخد قوتي منك".
تابع، "قومي عشان أنا بحبك.. بحبك أكتر بكتير من كل الكلام اللي أنا كتبته.. أكتر بكتير من كل اللي عدينا بيه مع بعض من أيام حلوة ومواقف صعبة مرت علينا.. أكتر بكتير حتى من الموقف اللي إحنا فيه دلوقتي.. أنا بحبك.. ادعولها تقوم بالسلامة زي ما أنتوا دايما بتدعولها بالنجاح والتوفيق.. هي دلوقتي محتاجة دعواتكم".
تابعنا علي اخبار جوجل