شاهد.. أول ظهور تلفزيوني لحورية فرغلي بعد عودتها لمصر

كشفت الفنانة حورية فرغلي، تفاصيل إجرائها 4 عمليات تجميل في أنفها بالولايات المتحدة، وذلك في أول تصريحات لها بعد عودتها لمصر.
وقالت فرغلي، خلال حوارها عبر "زووم" مع الدكتور معتز عبد الفتاح، ببرنامج "تحت الشمس"، عبر فضائية "الشمس": "الإصابة ابتدت منذ 9 سنوات، كنت في منتخب مصر للفروسية، والحصان وقع فوقيا وكسرلي مناخيري تماما".
أضافت: "رحلة علاجي مرت على بلاد كتيرة أوي، زي فرنسا والنمسا وبريطانيا والسويد والدنمارك وغيرها، لحد ما وصلت أمريكا".
تابعت: "في أمريكا اتقالي إن عمليتي صعبة جدا من كتر العمليات اللي عملتها، كنت عملت 11 عملية قبل ما أروح أمريكا، وكتر العمليات طبعا بوظت الدنيا أكتر، الدكتور قالي لازم تقعد معايا هنا 4 شهور لأني عملت العملية على 4 مرات".
استطردت: "خلال ال4 شهور دول كنت باخد جلسات أكسجين كل يوم، لأن الدم مكنش واصل للمناخير.. أول عملية أخدت 11 ساعة تقريبا، وكانت مؤلمة جدا، والاتنين اللي بعدها كانوا عاديين، والرابعة ودوني المستشفى كذا مرة ورجعت عشان مكنوش لاقيين العروق في جسمي خالص".
وكشفت الفنانة حورية فرغلي عن وجهها لأول مرة بعد عودتها مصر من الولايات المتحدة عقب إجرائها 4 عمليات تجميل، موجهة الشكر للجمهور الذي دعا لها طوال هذه السنوات منذ بداية معاناتها بعد كسر أنفها، قائلة: "الحمد لله أنا دلوقتي شكلي أحسن بكتير طبعا، اللهم لك ألف حمد وشكر وده بفضل دعاء الناس ليّا، وبقيت أشم دلوقتي أكل وبقيت أجوع والحمد لله"، مستكملة: "أنا لسه وارمة شوية، بس أنا حابة أطمن الناس إني بقيت كويسة، شكرا لكل اللي دعموني".
تابعنا علي اخبار جوجل