شهيرة: منعت أولادي يدخلوا يشوفوا محمود ياسين.. لهذا السبب

عبرت الفنانة شهيرة، عن حزنها بعد وفاة زوجها الفنان الراحل محمود ياسين، في أول ظهور لها عقب وفاته، وقالت أنه كان بالنسبة لها حياة، وأنها لهذة اللحظة لا تصدق أنها ذهب.
وتحدثت شهيرة، عن آخر لحظات محمود ياسين في المستشفى، خلال لقاءها في برنامج "واحد من الناس"، مع الإعلامي عمرو الليثي، الذي يذاع على قناة الحياة، وقالت: "بدأت الأجهزة بتاعته تضعف، وأنا للاسف معرفتش أحضر الأربع الأيام الأخيرة في حياته".
وتابعت: "الغريب إن كان في حالة ذهنية ووعي عالي جدًا، وكنا بنقول كده يبقى هو خف وبقى كويس جدًا، لما عرف إن تعبانة قالي سلامتك يا حبيبتي خلي بالك من نفسك، عمره ما المرض جعل منه شخص ضعيف أبدًا، كان كل همه إن عاوز ينزل يصور؛ لإنه كان بيعتبر شغله كل حياته، ومكنش حاسس إن عنده مشكله".
وأضافت: "أي شغل كان بيجيله من الأربع سنين الأخيرة في حياته، كنت بعتذر عنهم"، مضيفة عن تطور حالته الصحية: مكنش عنده زهايمر، الدكتور قال حتى لو جاله زهايمر مش هيبقى شرس، كان عارفنا كلنا وعمره ما نسينا، لو كان حصل في مرة ومعرفنيش كنت ممكن أموت مكنتش هقدر أستحملها أبدًا".
وتابعت: "منعت أولادي يدخلوا يشوفوا محمود ياسين، منعته كانت ضعيفة، كنت بخليهم يشوفوا من بعيد من غير أحضان؛ بسبب جائحة فيروس كورونا".