"شرفتونا".. هنادي مهنا: "أنا إللي عزمت عمر كمال وشاكوش وبيكا"

نشرت الفنانة هنادي مهنا، مقطع فيديو عبرخاصية "الستوري"، على صفحتها الرسمية على موقع التواصل الاجتماعي "إنستجرام"، للرد على اللغط المثار بشأن حضور عمر كمال وحسن شاكوش وحمو بيكا فرحها.
وقالت هنادي مهنا: "كان عندي حاجة مهمة أوي لازم أوضحها، كنت عايزة أوضح إني أنا إللي كلمت عمر كمال، وكلمت حمو بيكا، وحسن شاكوش ومردوش، وعمر كمال قالي أنا هجيبهم كمفاجأة".
تابعت "مهنا": "وأنا كنت عايزة أعمل مفاجأة عشان هما محبوبين جدًا، والناس كلها حافظة أغانيهم، والناس كلها بتنبسط لما أغانيهم تشتغل وبتتبسط بوجودهم
أنا مبسوطة أوي إن هما جم وشرفونا ونورونا وفرحونا، ومش إحنا بس هما فرحوا كل الناس إللي كانت موجودة، والكل كان مبسوط وسعيد بأغانيهم".
واستكملت الفنانة،: "أنا بيج فان للمزيكا بتاعتهم، وبابي مكنش يعرف إن هما معزومين، وفكرة إني بحب الأغاني بتاعتهم دي متخصش أي حد، وهما التلاتة ناجحين جدًا ماشاء الله عليهم".
ووجهت حديثها إلى مطربي المهرجانات: "إنتم بجد شرفتونا ونورتونا"، مستكملة: "أنا إللي أصريت إن هما يكونوا موجودين، أحمد ياسين ملوش أي علاقة، وشكرًا لأي حد كان موجود فيالفرح أو ساعدنا، فرحتونا أوي أوي".