ريهام سعيد تعلق علي قرار حبس سما المصري في قضيتها ضدها

أصدرت محكمة جنج القاهرة الاقتصادية اليوم الخميس، حكما جديدا ضد الفنانة سما المصري قضا بحبسها سنتين بالاضافة الى غرامة 100 الف جنيه في قضية سب وقذف مواطنتها الاعلامية ريهام سعيد.
وكان المحامي شعبان سعيد، وكيلا عن الإعلامية ريهام سيعد، تقدم ببلاغ للنائب العام ضد سما المصري بتهمة السب والقذف وتم إحالته لنيابة شمال القاهرة التي تولت التحقيق في الواقعة.
ومن جانبها، علقت الإعلامية ريهام سعيد علي الحكم وقالت، "سبحان الله السنه الي فاتت زي انهارده استقبلت خبر وقفي من المجلس الاعلي للاعلام بصدمه لاني معملتش حاجه في حياتي اهم من مساعده مرضي السمنه و نصيحتي كانت من خوفي عليهم لان انا مريضه سمنه . ناس كتير اتخلت عني كانت بتعرفني فقط لشهرتي راحوا و الاقنعه اترفعت و اتصدمت في ناس كتير اوي ماشافوش مني غير كل خير ده غير الاهانة و السب ".
وتابعت: "ناس كتير اوي غلطت فيه و هما مش فاهمين حاجه . في نفس يوم وقفي من غير شماته و لكن بقناعه ان التوكل علي ربنا فقط حتي لو ملكش حد كفايه بعد سنه انهارده يتفك الوقف و الي عايرني اني مش بشتغل اتطرد شر طرده و المجلس الاعلي اتحل و سما اخدت حكم و الي كانوا بيعملوا فيديوهات ضدي حالتهم كرب و اعتذروا.في اقل من سنه رجع الحق عشان ربنا عادل و عظيم و كريم و الي عند ربنا مابيروحش. بشكرك يا رب . بشكر المحامي شعبان سعيد الي في ضهري طول الوقت بشكر زوجي بشكر اي حد كلمني او سال عليه و أنا مش بشتغل و مذيعة و مكسرة الدنيا بشكر الناس الأصيلة الجدعة زي الفانز و زي حمدي بدر و محمد رمضان و ياسمين عبد العزيز و بدريه طلبة و دينا و مي كساب و ايمان العاصي و إصاله و احمد رزق و علاء الشربيني و سعد الصغير ".
وأضافت: "بشكر كل واحد عمل فولو البروفايل ده و انا مش حاجه وولا حاجه مش بشتغل و مش عارفين هاشتغل تاني واله لا . مبسوطه بالسنه الي بعدها مفيش حواليه غير الناس الي بتحبني بجد . بشكرك يا رب . و بشكر الفضاء العادل و الدوله المحترمه . الحق بقي بيرجع في مصر في عهد ريس محترم و قوي . الحمد لله".
يذكر أن سما المصري صدر ضدها حكم أول درجة بالحبس 3 سنوات بقضية الاعتداء على القيم الأسرية للمجتمع عبر نشر فيديوهات خادشة للحياء على حساباتها بمواقع التواصل الاجتماعي.