حفيدة إسماعيل ياسين توضح حقيقة منشور متداول عبر الفيس بوك بشأن وفاة جدها

أعربت سارة ياسين إسماعيل ، حفيدة الفنان إسماعيل ياسين ، عن إستيائها ، من منشور إنتشر على موقع التواصل الإجتماعى فيس بوك ، يدعى أن إسماعيل ياسين توفى وعليه ديون كثيرة ولم يجد أهله مالا ليدفنوه.
واوضحت حفيدة إسماعيل ياسين، حقيقة الأمر ، عبر حسابها على موقع التواصل الإجتماعى فيس بوك ، قائلة :" فى post ناس كتير بتشيره اليومين دول والصراحه مستفزنى جدا، وال post بيقول ان اسماعيل ياسين دعا على نفسه فى فيلم ان ربنا يفقره و يغنى اعداءه وفعلا مات فقير و اهله ملقوش فلوس يدفنوه .
وأضافت :" حقائق اتحاسب عليها :
1. اه اسماعيل ياسين اخر فتره كان واجد صعوبه ان يشتغل فى السينما زى الاول و السبب ان فى ناس فى الفن وقتها كانوا سبب فى بعده عن السينما.
2. اه طبعا ظروفه الماديه اتاثرت عشان كان بيصرف على ال cast اللى كان شغال فى مسرحه حتى وهما مش بيعرضوا لغيت لما المسرح وقف خالص.
3. اه رجع يغنى مونولوجات تانى ، واحد عنده ابن وبيت وناس معتمده عليه و دى بالبلدى صنعته اللى ميعرفش غيرها.
4. اه مدفنش فى مدافن ملكه لان مكنش ليه مدافن فى القاهره ، اهله ليهم فى السويس اللى اتوفى منهم ادفن فيه فاهو ادفن فى مدفن فتحيه شريف زوجه عماد حمدى الاولى.
5. واخيراً اسماعيل ياسين مات مستور و ساتر اهله من بعده.
وإختتمت :ياريت نتاكد من المعلومه اللى بنبادلها ونفتكر ان الكلمه مسؤليه و بالاخص انها متعلقة بحياه ناس واسرهم . ربنا يغفر لاموتنا جميعا ويسكنهم فسيح جناته.