تامر حسنى يوجه رسالة إلى الأم والأب معا.. تعرف عليها

وجه النجم تامر حسنى ، رسالة إلى الأم والأب، وذلك عبر حسابه على موقع الصور والفيديوهات إنستجرام .
حيث كتب تامر ، قائلا : "كل سنة وكل أم طيبة وربنا يرحم كل أم مش معانا.. كلامى النهاردة هيكون خاص بالأم والأب لسبب هقوله فى الآخر.. من يوم ما طلعت وأنا بوصيكوا دايماً برضى الوالدين وهفضل أوصيكم لحد آخر يوم فى عمرى عارفين ليه؟ .
وتابع : "علشان من خلال تجربتى والناس اللى حاولت تأذينى ظلم فى حياتى وصرفوا فلوس كتير عشان يكتبوا عنى كلام غلط مش فيا النهاردة مش موجودين، لا هما ولا اللى صدقوهم.. وده بفضل سند دعوات أمى وأبويا أيوا اجتهدت وتعبت بس اللى راضى أمه وأبوه هيفهم قصدى".
وأضاف : "كل سنة وأنتى طيبة يا أمى يا عظيمة ياللى عمرى من خيرك وشكراً يا أبويا يا عظيم على حاجتين، الأولى عشان مجهودك معايا طول حياتى حتى لو كنت أحياناً بعيد غصب عنك.. والتانية عشان اخترتلى إن الست العظيمة دى تبقى أمى".
وإختتم : "بطلب من ربنا كل يوم وبدعى يارب ولادى يحبونى أنا ومامتهم زى حبى لأبويا وأمى.. كل سنة وأنتى طيبة يا ماما بسمة وربنا يحفظك ويخليكى ليا ويقدرنى وأسعدكم طول عمرى".
https://www.instagram.com/p/BvRNfYtABR_/?utm_source=ig_share_sheet&igshid=185yav1ity8gr