مصطفى درويش يرد علي شيرين رضا: أنا كنت بتفرج عليها وانا عندى 10 سنين

اثار الفنان مصطفى درويش الجدل الواسع الذي اعقب تصريحاته عن الفنانة شيرين رضا وقال أنه تلقى عددا من المنشورات تخبره بأنها تسخر منه.
قال مصطفى درويش خلال حواره مع الإعلامية بسمة وهبة في برنامج "العرافة" المذاع على قناة المحور "أنا مردتش ومعرفش ايه قصة سخريتها وبعدها عرفت ايه اللي اتقال فاتقال بالنص "ايه رايك في انسحاب مصطفى درويش في الملحد" قالت "مين دة معرفوش وهو مقراش الورق واعتقد أن دوره مش مهم ودة بيركب التريند".
وتابع "أنا اتكلمت بأدب جدا وقلت أن في فرق عمري بيني وبينها ودة مش عيب أنا كنت بتفرج على شيرين رضا في كليب عمرو دياب وانا عندي 10 سنين، فانا عارفها من زمان ومصر كلها بتموت فيها"
وأضاف "هو أنا علشان قلت أنها أكبر مني سنا ابقى بهينها والبوست كان بيقول حقها في فرق عمري فربنا يديها الصحة وفي فرق أجيال بينا فمش هتعرف كل الفنانين"
وتابع "كان ممكن تقول أنا متعاملتش معاه قبل كدة وهو اتسرع وانا رديت بكلام عادي جدا، لكن اللي قالته مكنش عيب ولا هو في فئة تنتقد واحنا نسكت"
وجهت بسمة سؤالا لمصطفى درويش عن مدى حب الوسط الفني له وقال "اه بيحبوني اومال بشتغل ازاي وانا اسمي بيبيع وعملت ويبقى الأثر وعمل اعلى نسبة مشاهدة على القناة ومشارك في سوتس بالعربي وراجعين يا هوى وادوار رئيسية"
يذكر أن مصطفى درويش شارك في مسلسل "راجعين يا هوى" الذي يعرض حاليا، ومن بطولة خالد النبوي، نور، هنا شيحة، نور النبوي، وفاء عامر، وغيرهم نخبة من النجوم.
المسلسل مأخوذ عن عمل إذاعي للكاتب أسامة أنور عكاشة ومن سيناريو وحوار محمد سليمان عبد المالك وإخراج محمد سلامة