تعليق صادم.. عمر كمال يرد على منتقدي غنائه مع عبد الباسط حمودة

علق الفنان عمر كمال على منتقدي غنائه "أنا مش عارفني" مع المطرب الشعبي الكبير عبد الباسط حمودة في برنامج "الحكاية".
حيث ضجت مواقع التواصل الاجتماعى بفيديو يجمع بين كمال وحمودة وهما يغنيان "أنا مش عارفني" مع الإشادة بعبد الباسط حمودة والسخرية من أداء عمر كمال مقارنة بمطرب الأغنية الأصلي.
وكتب عمر كمال دفاعا عن نفسه عبر حسابه بموقع فيس بوك : "أنا فاهم وعارف حتتى كويس اووى اللى بغنى فيها .. ومفيش مطرب خلقه ربنا بيغنى كل ألوان الغنا بنفس التمكن والشطارة هتلاقيه مؤدى ف حتة ومطرب شاطر ف حتة .. وربنا خلق أصواتنا ومساحات صوتنا غير بعض خالص .. بس كل واحد ليه بصمة ولون وطعم وأحساس غير التانى .. فا أنا مش مطلوب منى أغنى لحن مش بتاعى ومش شبهى ومش مساحات صوتى فا طبيعى هغنيه على أستحياء وكمان لما يكون صاحبه موجود وبيغنيه بقاله 20 سنة يوميا أكيد هيقوله أحسن منى 100 مرة فا كونى قولت حاجة مش بتاعتى وادائى فيها كان مش كويس فا ديه حاجة متقللشى منى وانا قولتها ارضاءا للطلب ولما صاحبها غناها معايا اكيد غناها افضل منى لانها بتاعته ومساحته وشكله فا ده امر طبيعى ????".
يذكر أن عمر كمال وعبد الباسط حمودة تعاونا سويا في أغنية تحمل اسم ""ضيعنا" من كلمات عمرو قطب وتوزيع إسلام شيبسي، وتشهد العمل الإنتاجي الأول لعمر كمال بعد تقديمه عدد من المهرجانات، وتم تصوير الكليب في أحد فنادق الجيزة.